សង្គមកិច្ច៖ ថ្ងៃទី២៤ ខែវិច្ឆិកា ឆ្នាំ២០២១ នៅទីស្តីការក្រសួង មានពិធីចុះហត្ថលេខាក្រសួងសង្គមកិច្ច អតីតយុទ្ធជន និងយុវនីតិសម្បទា ជាមួយអង្គការសហប្រជាជាតិប្រចាំកម្ពុជា(UN) ស្តីពីការបង្កើត Cambodia Futures Lab ។
ពិធីនេះ មានការអញ្ជើញជាអធិបតី ឯកឧត្តម វង សូត រដ្ឋមន្រ្តីក្រសួងសង្គមកិច្ច អតីតយុទ្ធជន និងយុវនីតិសម្បទា និងលោកជំទាវ ផូលីន ថាម៉េស៊ីស ប្រធានតំណាងអចិន្ត្រៃ អង្គការសហប្រជាជាតិប្រចាំកម្ពុជា (UN) និងសហការី ព្រមទាំងមានការអញ្ជើញចូលរួមពី ថ្នាក់ដឹកនាំគ្រប់លំដាប់ថ្នាក់ក្រសួងសង្គមកិច្ច អតីតយុទ្ធជន និងយុវនីតិសម្បទា និងឯកឧត្តម ចន ណារិទ្ធ អគ្គលេខាធិការក្រុមប្រឹក្សាជាតិគាំពារសង្គម នៃក្រសួងសេដ្ឋកិច្ច និងហិរញ្ញវត្ថុផងដែរ៕
