រាជធានីភ្នំពេញ ៖ ព្រឹកថ្ងៃអង្គារ ៦រោច ខែពិសាខ ឆ្នាំរោង ឆស័ក ព.ស. ២៥៦៨ ត្រូវនឹងថ្ងៃទី២៨ ខែឧសភា ឆ្នាំ២០២៤ ដោយទទួលបានការអនុញ្ញាតដ៏ខ្ពង់ខ្ពស់ពីឯកឧត្តម ជា សុមេធី រដ្ឋមន្ត្រីក្រសួងសង្គមកិច្ច អតីតយុទ្ធជន និងយុវនីតិសម្បទា ឯកឧត្តម ឌីន បូរី អគ្គនាយកសេវាសង្គមកិច្ច បានអញ្ជើញចូលរួមជាអធិបតី ក្នុងពិធីបើកវគ្គបណ្ដុះ បណ្ដាលរំឭកឡើងវិញស្តីពីការអនុវត្តប្រព័ន្ធគ្រប់គ្រងករណីកុមារតាមបច្ចេកវិទ្យា Primero នៅភោជនីយដ្ឋានទន្លេបាសាក់២ ដែលរៀបចំដោយនាយកដ្ឋានកិច្ចការពារកុមារ ក្រោមការគាំទ្រពីអង្គការយូនីសេហ្វ។
វគ្គបណ្តុះបណ្តាលនេះមានការចូលរួមពីលោកអគ្គនាយករងទទួលបន្ទុក លោក លោកស្រី មន្ត្រីនាយកដ្ឋានកិច្ចការពារកុមារ មន្រ្តីបង្គោលនៃមន្ទីរសង្គមកិច្ច អតីតយុទ្ធជន និងយុវនីតិសម្បទា និងមន្ត្រីបង្គោលនៃការិយាល័យសង្គមកិច្ច និងសុខុមាលភាពសង្គមនៃរដ្ឋបាលក្រុង ស្រុក នៃខេត្តរតនគិរី មណ្ឌលគិរី ព្រះវិហារ ព្រមទាំងមន្ត្រីនៃមណ្ឌលសំចតស្តារនីតិសម្បទាប៉ោយប៉ែត សរុបអ្នកចំនួន៤៥រូប។
វគ្គបណ្តុះបណ្ដាលនេះរៀបចំឡើងក្នុងគោលបំណង៖
១.រំឭកឡើងវិញ និងទទួលបានចំណេះដឹងថ្មីៗអំពីការប្រើប្រាស់ប្រព័ន្ធគ្រប់គ្រងករណីកុមារតាមប្រព័ន្ធបច្ចេកវិទ្យា Primero
២.សិក្ខាកាមយល់ដឹងកាន់តែស៊ីជម្រៅអំពីករណីដែលចាត់ទុកជាករណីកិច្ចការពារកុមារ និងការគ្រប់គ្រងករណី
៣. យល់ដឹងពីលំហូរការងារក្នុងការអនុវត្តនីតិវិធីប្រតិបត្តិកិច្ចការពារកុមារ (SOP)។
![](http://mosvy.gov.kh/wp-content/uploads/2024/05/1-25.jpg)
![](http://mosvy.gov.kh/wp-content/uploads/2024/05/2-21.jpg)
![](http://mosvy.gov.kh/wp-content/uploads/2024/05/3-22.jpg)
![](http://mosvy.gov.kh/wp-content/uploads/2024/05/4-22.jpg)
![](http://mosvy.gov.kh/wp-content/uploads/2024/05/5-20.jpg)
![](http://mosvy.gov.kh/wp-content/uploads/2024/05/photo_3_2024-05-28_10-11-38.jpg)
![](http://mosvy.gov.kh/wp-content/uploads/2024/05/photo_6_2024-05-28_10-11-38.jpg)
![](http://mosvy.gov.kh/wp-content/uploads/2024/05/photo_4_2024-05-28_10-11-38.jpg)
![](http://mosvy.gov.kh/wp-content/uploads/2024/05/photo_9_2024-05-28_10-11-38.jpg)
![](http://mosvy.gov.kh/wp-content/uploads/2024/05/photo_10_2024-05-28_10-11-38.jpg)
![](http://mosvy.gov.kh/wp-content/uploads/2024/05/photo_12_2024-05-28_10-11-38.jpg)
![](http://mosvy.gov.kh/wp-content/uploads/2024/05/photo_7_2024-05-28_10-11-38.jpg)