មជ្ឈមណ្ឌលផ្តល់សេវាព្យាបាលដោយ ស្ម័គ្រចិត្ត និងផ្អែកលេីសហគមន៍

ព្រះសីហនុ​ :ថ្ងៃទី២​ ខែឧសភា​ ឆ្នាំ​២០១៩​ ឯកឧត្ដម​ វង​ សូត​ រដ្ឋមន្ត្រី​ ក្រសួង​សង្គមកិច្ច​ អតីតយុទ្ធជន​ និងយុវនីតិសម្បទា​ និងលោកជំទាវ អមដំណើរ ដោយ អនុប្រធានអាជ្ញាធរជាតិប្រយុទ្ធប្រឆាំងគ្រឿងញៀន​ ដោយ​ឯកឧត្ដម​ នាយឧត្តមសេនីយ៍​ មាស​ វិរិទ្ធ​ អគ្គលេខាធិការ​ នៃអាជ្ញាធរជាតិប្រយុទ្ធ ប្រឆាំងគ្រឿង ញៀន​ និងថ្នាក់ដឹកនាំ​ជាអគ្គនាយក​ អគ្គលេខាធិការ​រង​ ប្រធាន​នាយកដ្ឋាន​ ប្រធាន​មន្ទីរ​ នៃក្រសួង​ ស្ថាប័នពាក់ព័ន្ធ​ បានចុះទស្សនកិច្ចនៅមជ្ឈមណ្ឌល ជាតិផ្តល់សេវា ព្យាបាល ​ដោយស្ម័គ្រ និងផ្អែកលេីសហគមន៍​ នៅភូមិឬទ្ធី២​ ឃុំកែវផុស​ ស្រុកស្ទឹងហាវ​ ខេត្តព្រះសីហនុ។

ក្នុងឱកាសនោះ​ ឯកឧត្តម​ នាយឧត្តមសេនីយ៍​ មាស​ វិរិទ្ធ​ បានជម្រាបជូនប្រតិភូ​ពីការងារសាងសង់ហេដ្ឋារចនាសម្ព័ន្ធផ្លូវថ្នល់​របង​ បណ្តាញលូ​ សំណង់អគារ​រដ្ឋបាល​ អគារមន្ទីរពេទ្យ​ អគារស្នាក់នៅសម្រាប់អ្នកជំងឺបុរស​ ១​ និងស្រ្តី១​ អគារបណ្តុះបណ្តាល​វិជ្ជាជីវៈ​ ឃ្លាំង​ បន្ទប់អគ្គិសនី​ និងបន្ទប់សម្រាប់ចម្រោះទឹកស្អាត​។

ក្នុងឱកាសនោះ​ដែរ​ ឯកឧត្តម​រដ្ឋមន្ត្រី វង​ សូត​ និងជាអនុប្រធាន​អាជ្ញាធរជាតិប្រយុទ្ធប្រឆាំងគ្រឿងញៀន​ បានមានប្រសាសន៍​ ដោយសំណូមពរដល់អ្នក ពាក់ ព័ន្ធទាំងអស់ ជួយសម្របសម្រួលការងារតាមជំនាញបច្ចេកទេសរៀងៗ ខ្លួនដេីម្បីឲ្យមជ្ឈមណ្ឌលជាតិនេះអាចដំណេីរការផ្តល់សេវាព្យាបាល ដល់ជន រងគ្រោះបានឆាប់។

សូមបញ្ជាក់ថា​ មជ្ឈមណ្ឌលផ្តល់សេវាព្យាបាលដោយស្ម័គ្រចិត្ត និងផ្អែកលេីសហគមន៍ នៅភូមិឬទ្ធី២ ឃុំកែវផុស ស្រុកស្ទឹងហាវ ខេត្តព្រះសីហនុ ត្រូវបាន បេីកការដ្ឋានសាងសង់កាលពីថ្ងៃទី១០ ខែសីហា ឆ្នាំ២០១៧ ក្រោមអធិបតីភាព​ ឯក​ឧត្តម​ នាយឧត្តមសេនីយ៍ កែ គឹមយ៉ាន ឧបនាយករដ្ឋមន្រ្តី ប្រធានអាជ្ញាធរ ជាតិប្រយុទ្ធប្រឆាំងគ្រឿងញៀន​ លេីទំហំដី​សរុប២០ហិកតា​ ដែលមានសមត្ថភាពទទួលជនរងគ្រោះបានរហូតដល់២ពាន់នាក់​៕

ថ្ងៃ ព្រហស្បតី៏ ទី ០២ ខែ ឧសាភា ឆ្នាំ ២០១៩ អត្ថបទ និងរូបភាពដោយ Than bunhen