ឯកឧត្តមរដ្ឋមន្ត្រី វង សូត បានបញ្ជាក់ថា ពិធីបុណ្យភ្ជុំបិណ្ឌនេះ គឺជាពិធីបុណ្យជាតិប្រពៃណីខ្មែរ ដែលត្រូវបានប្រជាពលរដ្ឋគោរពប្រតិបត្តិតាមគន្លងនៃ ព្រះពុទ្ធសាសនាមកតៗគ្នាជាយូរលង់មកហើយ នេះក៏ដោយសារប្រទេសមានសុខសន្តិភាព ស្ថេរភាព ក្រោមការដឹកនាំរបស់សម្តេចតេជោ ហ៊ុន សែន ជាប្រមុខរាជរដ្ឋាភិបាលបានគាំទ្រ និងយកចិត្តទុកដាក់លើវិស័យព្រះពុទ្ធសាសនា បានធ្វើឱ្យមានការរីកចំរើនយ៉ាងឆាប់រហ័ស ប្រជាជនខ្មែរគ្រប់រូបមានសិទ្ធសេរីភាព ក្នុងការគោរពសាសនាគ្រប់ពេលវេលា។

ក្នុងឱកាសនោះដែរ ដើម្បីចូលរួមចំណែក លើកកម្ពស់ ទ្រទ្រងវិស័យព្រះសាសនា ឯកឧត្តម វង សូត និងលោកជំទាវ បាននាំទ័យទាន និងបច្ច័យចំនួន១១លានរៀល សម្រាប់កសាងក្នុងទីធ្លាវត្ត និងជូនថវិកា លោកយាយ លោកតា និងសិស្សដែលបានស្នាក់នៅក្នុងវត្តផងដែរ៕