ខេត្តមណ្ឌលគិរី ៖ នាព្រឹកថ្ងៃព្រហស្បតិ៍ ៤ រោច ខែស្រាពណ៍ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី០៨ ខែសីហា ឆ្នាំ២០២៤ មន្ទីរសង្គមកិច្ច អតីតយុទ្ធជន និងយុវនីតិសម្បទា ខេត្តមណ្ឌលគិរី បានសហការជាមួយរដ្ឋបាលក្រុង បានចុះសួរសុខទុក្ខ និងនាំយកអំណោយចែកជូន ដល់អតីតយុទ្ធជនចំនួន ០៨នាក់ ដែលក្នុងម្នាក់ៗទទួលបានអង្ករ ២០គីឡូក្រាម ត្រីខ ១យួរ ទឹកស៊ីអ៊ីវ ១យួរ មី ១ កេះ និងថវិកា ៨ម៉ឺនរៀល (ដែលជាថវិកាផ្ទាល់របស់ឯកឧត្តម អភិបាលខេត្ត) ដោយមានការចូលរួមពីលោក ហៀក សុផាន អភិបាលក្រុងសែនមនោរម្យ និងមានការចូលរួមពីលោក វីរៈសេនីយឯក ធី ឆៃវិន មេបញ្ជាការរង និងជានាយសេនាធិការតំបន់ប្រតិបត្តិការសឹករងខេត្ត និង ស.ស.យ.ក ក្រុងសែនមនោរម្យ ព្រមទាំងអាជ្ញាធរមូលដ្ឋាន ឃុំ សង្កាត់ ដែលប្រព្រឹត្តទៅ នៅសាលប្រជុំសាលាសង្កាត់ស្ពានមានជ័យ ស្ថិតនៅក្រុងសែនមនោរម្យ ខេត្តមណ្ឌលគិរី។
