សណ្ឋាគារសាន់អេនម៉ូន រីវើសាយ៖ ថ្ងៃចន្ទ ១១រោច ខែអស្សុជ ឆ្នាំរោង ឆស័ក ព.ស. ២៥៦៨ ត្រូវនឹងថ្ងៃទី២៨ ខែតុលា ឆ្នាំ២០២៤៖
ដោយទទួលបានការអនុញ្ញាតដ៏ខ្ពង់ខ្ពស់ពីឯកឧត្តម ជា សុមេធី រដ្ឋមន្ត្រី ក្រសួងសង្គមកិច្ច អតីតយុទ្ធជន និងយុវនីតិសម្បទា លោកជំទាវ ញ៉េប សុភាព រដ្ឋលេខាធិការ បានអញ្ជើញដឹកនាំកិច្ចប្រជុំក្រុមការងារបច្ចេកទេស ដើម្បីសិក្សា និងរៀបចំការពង្រឹងកិច្ចសហប្រតិបត្តិការកិច្ចការពារកុមារ ដែលរងផលប៉ះពាល់ ដោយទេសន្តរប្រវេសន៍ រវាងប្រទេសថៃ និងប្រទេសកម្ពុជា ដែលមានសមាសភាពចូលរួមពីតំណាងក្រសួង ស្ថាប័ន និងអង្គការដៃគូពាក់ព័ន្ធ សរុប ចំនួន ៤០នាក់ ស្រី១៧នាក់ ។
កិច្ចប្រជុំនេះត្រូវបានរៀបចំឡេីងក្នុងគោលបំណង ដើម្បីពិនិត្យ ផ្តល់យោបល់ និងពិភាក្សាបន្ថែមទៅលើលទ្ធផលបឋមនៃការសិក្សាស្រាវជ្រាវស្តីពីស្ថានភាពរបស់កុមាររងគ្រោះ និងងាយគ្រោះដោយទេសន្តរប្រវេសន៍ ដែលលទ្ធផលនៃការសិក្សានេះ នឹងត្រូវប្រើប្រាស់ជាមូលដ្ឋាននៅក្នុងការកសាងអនុស្សារណៈនៃការយោគយល់រវាងប្រទេសថៃ និងប្រទេសកម្ពុជា ដេីម្បីកិច្ចការពារកុមារបម្លាស់ទី ឬកុមារធ្វេីទេសន្តប្រវេសន៍ទៅប្រទេសថៃ។
សូមបញ្ជាក់ថា៖ កិច្ចប្រជុំនេះត្រូវបានរៀបចំឡេីងដោយទទួលបានគាំទ្រពីដោយសហភាពអឺរ៉ុប តាមរយៈអង្គការយូនីសេហ្វ។
