បន្ទាយមានជ័យ÷ ថ្ងៃទី០១ ខែវិច្ឆិកា ឆ្នាំ២០២៣ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ បានអញ្ចើញចូលរួមសំណេះសំណាល និងសួរសុខទុក្ខជាមួយប្រជាពលរដ្ឋរងគ្រោះដោយទឹកជំនន់ក្នុងក្រុងសិរីសោភ័ណ និងស្រុកមង្គលបូរី ខេត្តបន្ទាយមានជ័យ។
តាមការឱ្យដឹងពីលោក ឃុន វុទ្ធី ប្រធានមន្ទីរសង្គមកិច្ច អតីតយុទ្ធជន និងយុវនីតិសម្បទាខេត្ត បានឱ្យដឹងថា ពិធីនេះមានការចូលរួមពីសំណាក់ ឯកឧត្តម អ៊ុ រាត្រី អភិបាលនៃគណៈអភិបាលខេត្តបន្ទាយមានជ័យ ថ្នាក់ដឹកនាំនិងមន្ត្រីរាជការខេត្ត និងប្រជាពលរដ្ឋរងគ្រោះចំនួន ២៣៩គ្រួសារ ដែលក្នុង ១គ្រួសារទទួលបាន អង្ករ ២៥គីឡូ មី ១កេស ទឹកស៊ីអ៉ីវ ១យួរ ទឹកត្រី ១យួរ ត្រីខ ១យួរ និងថវិកា ៥០ ០០០៛ នៅភោជនីយដ្ឋានស្ទឹងសែន ក្រុងសិរីសោភ័ណ ខេត្តបន្ទាយមានជ័យ។
ក្នុងឱកាសនោះដែរ ឯកឧត្តមអភិសន្តិបណ្ឌិត ក៏បានផ្តល់ថវិកា ចំនួន ៤០ ០០០ ០០០៛ (សែសិបលានរៀល) ដល់ឯកឧត្តម អ៊ុំ រាត្រី អភិបាលនៃគណៈអភិបាលខេត្តបន្ទាយមានជ័យ ដើម្បីត្រផមចាត់ចែងសម្រាប់បងប្អូនដែលរងគ្រោះជាបន្តបន្ទាប់ទៀតផងដែរ៕
