ភ្នំពេញ៖ ឯកឧត្តម ជា សុមេធី រដ្ឋមន្ត្រីក្រសួងសង្គមកិច្ច អតីតយុទ្ធជន និងយុវនីតិសម្បទា បានអញ្ជើញអមដំណើរសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា អញ្ជើញចូលរួមក្នុងកម្ពុជារៀបចំវេទិការាជរដ្ឋាភិបាល-ផ្នែកឯកជនដើម្បីទទួលយកយោបល់និងរៀបចំគោលនយោបាយជួយដល់វិស័យឯកជននៅកម្ពុជា នៅព្រឹកថ្ងៃចន្ទ ទី១៣ ខែវិច្ឆិកា ឆ្នាំ២០២៣ នៅវិមានសន្ដិភាពព្រឹកថ្ងៃច័ន្ទ ទី១៣ ខែវិច្ឆិកា ឆ្នាំ២០២៣។
នាយរដ្ឋមន្ត្រីកម្ពុជា សម្ដេចធិបតី ហ៊ុន ម៉ាណែត បានដឹកនាំវេទិការដ្ឋាភិបាល-ផ្នែកឯកជនលើកទី១៩ ក្នុងឆ្នាំ២០២៣ ដើម្បីពិនិត្យរួមគ្នារវាងរាជរដ្ឋាភិបាលដែលបានដាក់ចេញកាលពីកន្លងមកនិងជំរុញការអភិវឌ្ឍវិស័យឯកជន ពង្រឹងភាពប្រកួតប្រជែង និងធ្វើឱ្យប្រសើឡើងនូវបរិយាកាសធុរកិច្ចនិងវិនិយោគនៅកម្ពុជា។
នាយករដ្ឋមន្ត្រីសម្ដេចធិបតី ហ៊ុន ម៉ាណែត បានសម្រេចឆ្លើយតបទៅនឹងចំនុចទាំងប៉ុន្មានខាងលើនេះ និងបានប្រកាសថារដ្ឋាភិបាលនឹងប្ដេជ្ញាចិត្តក្នុងការដាក់ចេញនិងជំរុញការអនុវត្តនូវកញ្ចប់វិធានការកែទម្រង់នៅក្រោមយុទ្ធសាស្ត្របញ្ចកោណដំណាក់កាលទី១ ស្របតាមបាវចនា «ដើម្បីកំណើន ការងារ សមធម៌ ប្រសិទ្ធភាព និងចីរភាព»។
គួរឱ្យដឹងដែរថាវេទិការរាជរដ្ឋាភិបាល-ផ្នែកឯកជនត្រូវបានបង្កើតឡើងកាលពីថ្ងៃទី២១ ខែធ្នូ ឆ្នាំ១៩៩៩ និងត្រូវបានចាត់ទុកថាជាកិច្ចប្រជុំពេញអង្គគណៈរដ្ឋមន្ត្រីបើកទូលាយដែលរាល់សេចក្ដីសម្រេចនានានៃវេទិកានេះមានមានអនុភាពជាសេចក្ដីសម្រេចរបស់គណៈរដ្ឋមន្ត្រីទាំងមូល៕
