នារសៀលថ្ងៃអង្គារ ៥កើត ខែកត្តិក ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី៥ ខែវិច្ឆិកា ឆ្នាំ២០២៤ ឯកឧត្តម សរ បូរីរក្ស នាយកវិទ្យាស្ថានជាតិសង្កមកិច្ច (NISA) បានស្វាគមន៍យ៉ាងកក់ក្តៅចំពោះ លោកTim Taylor អ្នកគ្រប់គ្រងប្រទេសសម្រាប់ការថែទាំកុមារ (country manager for Care for Children) និងសាស្ត្រាចារ្យមកពីសកលវិទ្យាល័យចក្ខុភពអង់គ្លេស (Great Britain) បានជួបសំណេះសំណាល និងរិតចំណងមិត្តភាព សាមគ្គីភាព និងអាចឈានទៅកិច្ចសហប្រតិបត្តិការកិច្ចការសង្គមកិច្ចប្រកបដោយចីរភាព និងភាពធន់ ដោយមានការចូលរួមពីគណៈគ្រប់គ្រង លោកគ្រូ អ្នកគ្រូ វ ជ ស ជាច្រើនរូបផងដែរ។
ឯកឧត្តម សរ បូរីរក្ស នាយកវិទ្យាស្ថាន បានស្វាគមន៍ និងស្នើ (១)សុំកិច្ចសហប្រតិបត្តការលើការអភិវឌ្ឍសមត្ថភាព និងបង្កើនការស្រាវជ្រាវសិក្សាបែបវិទ្យាសាស្ត្រ (ឧទាហរណ៍ E-Library ជាដើម) ដើម្បីលើកកម្ពស់ប្រសិទ្ធភាពនៃការបង្រៀន និងការផ្សារភ្ជាប់ទ្រឹស្តីទៅនឹងការអនុវត្តលើវិស័យសង្គមកិច្ច (២)ជំរុញធ្វើបច្ចុប្បន្នភាពកម្មវិធីសិក្សាថ្មី ឱ្យស្របទៅនឹងតម្រូវការ និងបរិបទនៃការរីកចម្រើនរបស់សង្គមបច្ចុប្បន្ន ជាពិសេស ការប្រែប្រួលនៃបច្ចេកវិទ្យា ប្រពន្ធឌីជីថល និងការប្រកួតប្រជែងនៃទីផ្សារការងារ សាកលភាវូបនីយកម្ម និងការវិវត្តនៃសកលលោក (៣)ស្នើរធ្វើទស្សនកិច្ចសិក្សានៅចក្ខុភពអង់គ្លេសនាពេលខាងមុខដើម្បីផ្ទេរចំណេះដឹង និងបទពិសោធជាក់ស្ដែង សំដៅបង្កើនគុណភាពការអប់រំ ការបណ្ដុះបណ្ដាល និងការសិក្សាស្រាវជ្រាវឱ្យកាន់តែប្រសើរ និង(៤) ធ្វើទំនើបកម្មអភិបាលកិច្ចគ្រប់គ្រង និងការផ្តល់សេវាបង្រៀនប្រកបដោយគុណភាពខ្ពស់។
លោកTim Taylor អ្នកគ្រប់គ្រងប្រទេសសម្រាប់ការថែទាំកុមារ និងប្រតិភូអមដំណើរ សូមទទួលយកសំណើរ ដើម្បីពិនិត្យលើលទ្ធភាពក្នុងការសហការ និងផ្តល់ការឆ្លើយតបវិញ នាពេលឆាប់ៗខាងមុខ។
