រសៀលថ្ងៃសៅរ៍ ៤រោច ខែភទ្របទ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី២១ ខែកញ្ញា ឆ្នាំ២០២៤ ឯកឧត្តម ជា សុមេធី រដ្ឋមន្រ្តីក្រសួងសង្គមកិច្ច អតីតយុទ្ធជន និងយុវនីតិសម្បទា និងលោកជំទាវ ជា ផល្គុន ព្រមទាំងក្រុមគ្រួសារ បានអញ្ជើញចូលរួមជាមួយបងប្អូនប្រជាពុទ្ធបរិស័ទ ក្នុងពិធីបុណ្យសូត្រមន្តចម្រើនព្រះបរិត្តសម្រាប់ពិធីបុណ្យកាន់បិណ្ឌទី៥ ដែលនឹងប្រព្រឹត្តទៅនៅថ្ងៃអាទិត្យ ៤រោច ខែភទ្របទ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី២២ ខែកញ្ញា ឆ្នាំ២០២៤ស្អែកនេះ នៅវត្តទួលសំពៅមាស ស្ថិតក្នុងឃុំអង្គរអង្គ ស្រុកពាមជរ ខេត្តព្រៃវែង ដើម្បីឧទ្ទិសមហាកុសលជូនចំពោះដួងវិញ្ញាណក្ខន្ធសម្តេចអគ្គមហាធម្មពោធិសាល ជា ស៊ីម និងលោកជំទាវ ញ៉ែម សឿន ជា ស៊ីម ព្រមទាំងញាតិកាទាំង ៧សន្តាន ដែលបានចែកឋានទៅកាន់លោកខាងមុខ និងសូមឱ្យដួងវិញ្ញាណក្ខន្ធសម្តេច និង លោកជំទាវ ព្រមទាំងញាតិកាទាំង ៧សន្តាន បានស្ថិតក្នុងឋានបរមសុខកុំបីឃ្លៀងឃ្លាតឡើយ៕
