កំពង់ឆ្នាំង ៖ ថ្ងៃពុធ ១២ កើត ខែអាសាឍ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី១៧ ខែកក្កដា ឆ្នាំ២០២៤ លោកជំទាវ កែ ច័ន្ទមុនី អ្នកតំណាងរាស្ត្រមណ្ឌលកំពង់ឆ្នាំង បាននាំយកអំណោយរបស់ក្រសួងសង្គមកិច្ច អតីតយុទ្ធជន និងយុវនីតិសម្បទា
ចែកជូនដល់ជនចាស់ជរាមានពិការភាពមានជីវភាពខ្វះខាតចំនួន ៤នាក់ ស្ថិតក្នុងឃុំស្រែថ្មី ស្រុករលាប្អៀរ ដោយមានការចូលរួមពីលោកប្រធានមន្ទីរសង្គមកិច្ច អតីតយុទ្ធជន និងយុវនីតិសម្បទាខេត្ត និងសហការី ព្រមទាំងលោក លោកស្រីជាអាជ្ញាធរភូមិ ឃុំ ។
អំណោយដែលបានឧបត្ថម្ភមាន គ្រឿងឧបភោគបរិភោគ និងថវិកាមួយចំនួន ក្នុងនោះលោកជំទាវ បានឧបត្ថម្ភជាថវិកាផ្ទាល់ខ្លួនបន្ថែមចំនួន៣៥ម៉ឺនរៀលបន្ថែម ។
