កំពង់ឆ្នាំង៖ នាព្រឹកថ្ងៃចន្ទ ២ រោច ខែអាសាឍ ឆ្នាំរោង ឆស័ក .ព.ស.២៥៦៨ ត្រូវនឹងថ្ងៃទី២២ ខែកក្កដា ឆ្នាំ២០២៤ មន្ទីរសង្គមកិច្ច អតីតយុទ្ធជន និងយុវនីតិសម្បទាខេត្តកំពង់ឆ្នាំង សហការជាមួយទីបញ្ជាការតំបន់ប្រតិបត្តិការសឹករងកំពង់ឆ្នាំង រៀបចំពិធីដាំកូនឈើ និងសំណេះសំណាល ជាមួយបងប្អូនអតីតយុទ្ធជន និងគ្រួសារកងទ័ពមានជីវភាពខ្វះខាត ចំនួន ៦០នាក់ ក្រោមអធិបតីភាព ឯកឧត្តមបណ្ឌិតសភាចារ្យ អ៊ុក រ៉ាប៊ុន ទេសរដ្ឋមន្ដ្រី ទទួលបន្ទុកបេសកកម្មពិសេស និងជាប្រធានក្រុមការងាររាជរដ្ឋាភិបាល ចុះមូលដ្ឋានខេត្តកំពង់ឆ្នាំង ដោយមានការអញ្ជើញចូលរួមពី ឯកឧត្តម លី ណារុន អ្នកតំណាងរាស្ត្រមណ្ឌលកំពង់ឆ្នាំង ឯកឧត្តម ស៊ីវ រុន ប្រធានក្រុមប្រឹក្សាខេត្ត ឯកឧត្តម នៃចារី អភិបាលរង តំណាងឯកឧត្តម ស៊ុន សុវណ្ណារិទ្ធិ អភិបាលខេត្ត ឯកឧត្តមព្រះរាជអាជ្ញាអមសាលាដំបូងខេត្ត ឯកឧត្តម លោកជំទាវ លោក លោកស្រី ប្រធានមន្ទីរ អង្គភាពជុំវិញខេត្ត លោកអភិបាល ក្រុង ស្រុក និងមន្ត្រីរាជការ កងកម្លាំងទាំងបី ព្រមទាំងអតីតយុទ្ធជន និងគ្រួសារកងទ័ពសរុបចំនួន ១៤៩នាក់។
អំណោយរបស់ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា អនុប្រធានទី១ សមាគមអតីតយុទ្ធជនកម្ពុជា និងលោកជំទាវបណ្ឌិត ពេជ ចន្ទមុន្នី ហ៊ុន ម៉ាណែត ចែកជូនដល់អតីតយុទ្ធជន និងគ្រួសារកងទ័ពដែលមានជីវភាពខ្វះខាត ចំនួន ៦០នាក់ សរុបរួមមាន អង្ករ ចំនួន ១,៥០០គីឡូក្រាម ទឹកត្រី ៦០យួរ ទឹកស៊ីអ៊ី ៦០យួរ ត្រីខ ៦០យួរ មី ៦០កេះ មុង ៦០ និងថវិកាសរុប ៦លានរៀល “ប្រាំមួយលានរៀល”។
ឯកឧត្តមបណ្ឌិតសភាចារ្យ អ៊ុក រ៉ាប៊ុន បានឧបត្ថម្ភថវិកា ចំនួន ២លានរៀល “ពីរលានរៀល”ក្នុងពិធីផងដែរ។
