![](https://mosvy.gov.kh/wp-content/uploads/2023/10/photo_2023-10-01_18-15-27.jpg)
ខេត្តព្រះសីហនុ÷ មណ្ឌលព្យាបាលស្តារនីតិសម្បទា កែវផុសទទួលអំណោយឧបត្ថម្ភពីសប្បុរសជន ចូលរួមតាមរយៈអគ្គនាយកនៃអគ្គនាយកស្តារសម្បទា ក្រសួងសង្គមកិច្ច អតីតយុទ្ធជន និងយុវនីតិសម្បទា លោក សន សុផល។
នាថ្ងៃអាទិត្យ ទី១ ខែតុលា ឆ្នាំ២០២៣ លោក សន សុផល បានចូលរួមទទួលអំណោយរបស់សប្បុរសជន ឧបត្ថម្ភដល់មណ្ឌលព្យាបាលស្តារនីតិសម្បទា កែវផុស រួមមាន អភិបាលនៃគណៈអភិបាលខេត្តព្រះសីហនុ លោក គួច ចំរើន ឧបត្ថម្ភ អង្ករ ៣០តោន ឧបត្ថម្ភមន្រ្តី ៤៩នាក់ ក្នុងម្នាក់ៗ ថវិកា ១០០ ០០០៛ (សរុប ៤ ៩០០ ០០០៛)។
ក្នុងនោះដែរ ឧកញ៉ាបណ្ឌិត ម៉ុង ឫទ្ធី ទឹកប្រាក់ ១ ០០០ដុល្លា និងជ្រូក ២ក្បាល និងលោកឧកញ៉ា ប្រធានសភាពាណិជ្ជកម្មខេត្ត មីជាតិ ១០០កេះ ត្រីខ ១០កេះ ទឹកត្រី ១០០យួរ ទឹកស៊ីអ៊ីវ ១០០យួរ ទឹដោះគោខាប់ ១០កេះនំធុង ១០២ធុង និងថវិកា ១០ ០០០ ០០០៛ (ដប់លានរៀល)។
កាលពីថ្ងៃចន្ទ ទី២៥ ខែកញ្ញា ឆ្នាំ២០២៣ ក្រសួងសង្គមកិច្ច អតីតយុទ្ធជន និងយុវនីតិសម្បទា លោក ជា សុមេធី ក្នុងឱកាសសំណេះសំណាលជាមួយជនរងគ្រោះដែលទទួលសេវាបន្សាបគ្រឿងញៀននៅមជ្ឈមណ្ឌលខាងលើ បានមានប្រសាសន៍លើកទឹកចិត្តដល់អ្នកដែលកំពុងទទួលសេវាបន្សាបគ្រឿងញៀននៅកែវផុសឱ្យប្រឹងប្រែងហាត់កីឡា ហាត់ពត់លត់ដំខ្លួនឱ្យមានភាពអត់ធ្មត់ និងជឿជាក់ថាសង្គមមិនមានការរើសអើងដល់អ្នកដែលរងគ្រោះ ឬធ្លាប់ប្រើប្រាស់គ្រឿងញៀននោះឡើយ។
ជាមួយគ្នានេះ លោក ជា សុមេធី បានបង្ហាញនូវក្តីសង្ឃឹមថា ជនរងគ្រោះដែលកំពុងទទួលសេវាបន្សាបគ្រឿងញៀនក្នុងមជ្ឈមណ្ឌលជាតិកែវផុសនេះ នឹងឆាប់ជាសះស្បើយឆាប់បានជួបជុំគ្រួសារ និងផ្តាំផ្ញើរឱ្យបំភ្លេចរឿងចាស់ចោល ខិតខំកសាងអនាគតឱ្យក្លាយជាទំពាំងស្នងឬស្សី ក្លាយទៅជាមនុស្សល្អជាធនធានរបស់ប្រទេសជាតិ។
គួរឱ្យដឹងដែរថា មជ្ឈមណ្ឌលជាតិព្យាបាល និងស្តារនីតិសម្បទាអ្នកញៀនគ្រឿងញៀន ដោយស្ម័គ្រចិត្តនិងផ្អែកលើសហគមន៍ ស្ថិតនៅភូមិឬទ្ធី២ ឃុំកែវផុស ស្រុកស្ទឹងហាវ ខេត្តព្រះសីហនុ។
មជ្ឈមណ្ឌលជាតិព្យាបាល និងស្ដារនីតិសម្បទា នេះបានផ្តល់សេវាស្ដារនីតិសម្បទា និងបណ្តុះបណ្តាលវិជ្ជាជីវៈ ដល់អ្នកញៀនគ្រឿងញៀនឱ្យមាន ប្រក្រតីភាព និងទទួលបានចំណេះជំនាញ មុននឹងធ្វើសមាហរណកម្មទៅក្នុងសហគមន៍ និងក្រុមគ្រួសារវិញ អនុវត្តភារកិច្ចផ្សេងៗទៀតដែលរដ្ឋមន្ត្រីក្រសួងសង្គមកិច្ច អតីតយុទ្ធជន និងយុវនីតិសម្បទា និងជាសមាជិកអាជ្ញាធរ ជាតិប្រយុទ្ធប្រឆាំងគ្រឿងញៀនប្រគល់ជូន៕
![](https://mosvy.gov.kh/wp-content/uploads/2023/10/photo_2023-10-01_18-15-23.jpg)
![](https://mosvy.gov.kh/wp-content/uploads/2023/10/photo_2023-10-01_18-15-24.jpg)
![](https://mosvy.gov.kh/wp-content/uploads/2023/10/photo_2023-10-01_18-15-32.jpg)
![](https://mosvy.gov.kh/wp-content/uploads/2023/10/photo_2023-10-01_18-15-31.jpg)
![](https://mosvy.gov.kh/wp-content/uploads/2023/10/photo_2023-10-01_18-15-30.jpg)