ភ្នំពេញ៖ ថ្ងៃទី១៤ ខែកក្កដា ឆ្នាំ២០២១ ក្រសួងសង្គមកិច្ច អតីតយុទ្ធជន និងយុវនីតិសម្បទា បានរៀបចំពិធីប្រកាសដាក់ឱ្យប្រើប្រាស់ជាផ្លូវការ “ផែនការសកម្មភាពដើម្បីបង្ការ ទប់ស្កាត់ និងឆ្លើយតបកាកេងប្រវ័ញ្ចផ្លូវភេទលើកុមារតាមប្រព័ន្ធអនឡាញ ឆ្នាំ២០២១-២០២៥” ក្រោមអធិបតីភាព សម្តេចក្រឡាហោម ស ខេង ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ តាមរយៈប្រព័ន្ធអនឡាញ Zoom។

ពិធីនេះ មានការអញ្ជើញចូលរួម ពីសំណាក់ ឯកឧត្តម វង សូត រដ្ខមន្រ្តីក្រសួងសង្គមកិច្ច អតីតយុទ្ធជន និងយុវនីិតិសម្បទា និងជាប្រធានក្រុមប្រឹក្សាជាតិកម្ពុជាដើម្បីកុមារ ឯកឧត្តម លោកជំទាវ រដ្ឋមន្រ្តីពាក់ព័ន្ធ ឯកឧត្តម លោកជំទាវ ឯកអគ្គរដ្ឋទូត ឯកអគ្គរាជទូត ប្រចាំព្រះរាជាណាចក្រកម្ពុជា ឯកឧត្តមអគ្គព្រះរាជអាជ្ញា នៃមហាអ្យការអមសាលាឧទ្ធរណ៍ ឯកឧត្តម លោកជំទាវ អនុប្រធាន សមាជិក សមាជិកា ក្រុមប្រឹក្សាជាតិកម្ពុជាដើម្បីកុមារ ឯកឧត្តមនាយឧត្តមសេនីយ៍សន្តិបណ្ឌិត អគ្គស្នងការ នៃអគ្គស្នងការដ្ឋានគរបាលជាតិ ឯកឧត្តម ឧត្តមអគ្គានុរក្សថ្នាក់លេខ១ នៃអគ្គនាយកដ្ឋានពន្ធនាគារ ឯកឧត្តមនាយឧត្តមសេនីយ៍ប្រធានបណ្ឌិតសភានគរបាលកម្ពុជា ឯកឧត្តម លោកជំទាវ អភិបាល នៃគណៈអភិបាល រាជធានី ខេត្ត លោកចៅក្រម ព្រះរាជអាជ្ញាអមសាលាដំបូងរាជធានី ខេត្ត និងគណៈមេធាវី នៃព្រះរជាណាចក្រកម្ពុជា ឯកឧត្តម លោកជំទាវ លោក លោកស្រី តំណាងក្រសួងស្ថាប័នពាកក់ប័ន្ធ និងតំណាងកុមារ៕