ឧត្ដរមានជ័យ ៖ ព្រឹកថ្ងៃព្រហស្បតិ៍ ១២រោច ខែអាសាឍ ឆ្នាំរោង ឆស័កព.ស.២៥៦៨ ត្រូវនិងថ្ងៃទី០១ ខែសីហា ឆ្នាំ២០២៤ សាខាមូលនិធិជាតិជំនួយសង្គមខេត្ត បានសហការជាមួយមន្ទីរសង្គមកិច្ច អតីតយុទ្ធជន និងយុវនីតិសម្បទាខេត្ត និងសមាគមអតីតយុទ្ធជនកម្ពុជាខេត្ត បានប្រគល់ប្រាក់បូជាសព ប្រាក់ឧបត្ថម្ភមួយលើកដំបូង និងប្រាក់ធានារ៉ាប់រងសង្គម ប្រគល់ជូនដល់គ្រួសារសពនិវត្តជន និងគ្រួសារជនពិការ ចំនួន២៤គ្រួសារ ក្រោមអធិបតីភាព លោក លាង ហ៊ុន ប្រធានសាខាមូលនិធិជាតិជំនួយសង្គមខេត្តឧត្ដរមានជ័យ តំណាង ឯកឧត្តម ស៊ឹម សុធន ប្រតិភូរាជរដ្ឋាភិបាលកម្ពុជា ទទួលបន្ទុកជាអគ្គនាយកមូលនិធិជាតិជំនួយសង្គម និងលោក ម៉ែន សុវណ្ណរ៉ា តំណាងលេខាធិការដ្ឋានសមាគមអតីតយុទ្ធជន ខេត្តឧត្ដរមានជ័យ លោក ផាន់ សំអាង តំណាងលោក ចូវ សង្អៀប ប្រធានមន្ទីរសង្គមកិច្ច អតីតយុទ្ធជន និងយុវនីតិសម្បទា ខេត្តឧត្ដរមានជ័យ លោក លោកស្រី តំណាង អធិការនគរបាលក្រុង លោក លោកស្រីតំណាង កងរាជអាវុធហត្ថក្រុងបានចូលរួម ។
ក្នុងឱកាសនេះផងដែរ លោក លាង ហ៊ុន ប្រធានសាខាមូលនិធិជាតិជំនួយសង្គមខេត្តឧត្ដរមានជ័យ បានមានមតិសំណេះសំណាល និងរៀបរាប់អំពីថវិកានេះជាថវិការបស់ រាជរដ្ឋាភិបាល ដែលមានសម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា អនុប្រធានទី១ សមាគមអតីតយុទ្ធជនកម្ពុជា និងលោកជំទាវបណ្ឌិត ពេជ ច័ន្ទមុន្នី ហ៊ុន ម៉ាណែត ដល់គ្រួសារសពផងដែរ ។ ហើយលោក បានបញ្ជាក់ និងសង្ឃឹម ថា គ្រួសារសពទាំងអស់ ដែលទទួលបានថវិការ របស់រាជរដ្ឋបាល និងយកទៅប្រើប្រាស់អោយចំគោលដៅផងដែរ។