ទីស្តីការក្រសួង:- នៅរសៀលថ្ងៃសុក្រ ៨រោច ខែបុស្ស ឆ្នាំថោះ ព.ស ២៥៦៧ ត្រូវនឹងថ្ងៃទី ០២ ខែកុម្ភៈ ឆ្នាំ២០២៤ ឯកឧត្តម ញ៉ឹក វណ្ណារ៉ា រដ្ឋលេខាធិការ ក្រសួងសង្គមកិច្ច អតីតយុទ្ធជន និងយុវនីតិសម្បទា អញ្ជេីញជាអធិបតីដឹកនាំកិច្ចប្រជុំពិភាក្សាការងារដោះស្រាយបញ្ហាជនអនាថា និងពិនិត្យលេីបញ្ហាប្រឈមដេីម្បីរកដំណោះស្រាយ ដោយអញ្ជើញចូលរួមពីសំណាក ឯកឧត្តមរដ្ឋលេខាធិការអ្នកនាំពាក្យ ឯកឧត្តមអនុរដ្ឋលេខាធិការ ឯកឧត្តមអគ្គនាយក ឯកឧត្តម លោកជំទាវអភិបាលរង នៃគណៈអភិបាលរាជធានី ខេត្ត ជាអនុគណៈកម្មាធិការដោះស្រាយបញ្ហាជនអនាថា រាជធានី-ខេត្ត លោក លោកស្រីប្រធាន អនុប្រធាននាយកដ្ឋាន និង លោក លោកស្រីប្រធានមន្ទីរ ស.អ.យ រាជធានី-ខេត្តសរុបសមាសភាពអញ្ជេីញចូលរួមចំនួន៦២នាក់ ។
