សណ្ឋាគារភ្នំពេញ ៖ នៅព្រឹកថ្ងៃសុក្រ ១០រោច ខែផល្គុន ឆ្នាំថោះ បញ្ចស័ក ព.ស ២៥៦៧ ត្រូវនឹងថ្ងៃទី០៣ ខែឧសភា ឆ្នាំ២០២៤ ឯកឧត្តម ញ៉ឹក វណ្ណារ៉ា រដ្ឋលេខាធិការ តំណាងដ៏ខ្ពង់ខ្ពស់ ឯកឧត្តម ជា សុមេធី រដ្ឋមន្ត្រីក្រសួងសង្គមកិច្ច អតីតយុទ្ធជន និងយុវនីតិសម្បទា បានអញ្ជើញចូលរួមជាអធិបតីបើកសិក្ខាសាលាពិគ្រោះយោបល់ លើកញ្ចប់មេរៀនស្តង់ដារលើកទី២ ស្តីពីការងារសមាហរណកម្មការងារតាមដានជនរងគ្រោះ ដោយអំពើជួញដូរមនុស្ស ដែលបានស្នាក់នៅមជ្ឈមណ្ឌលរដ្ឋ អង្គការមិនមែនរដ្ឋាភិបាល និងសហគមន៍ សម្រាប់គម្រោង អភិវឌ្ឍសមត្ថភាពដើម្បីជួយដល់ជនរងគ្រោះដែលរួចពីការជួញដូរមនុស្ស (Jica ) ដោយមានការចូលរួមពី អគ្គនាយករងសេវាសង្គមកិច្ច ប្រធាន អនុប្រធាននាយកដ្ឋាន ប្រធានមន្ទីរ ស.អ.យ. ខេត្តបន្ទាយមានជ័យ សៀមរាប ត្បូងឃ្មុំ តំណាងទីភ្នាក់ងារអនុវត្តគម្រោងការិយាល័យ Jica ប្រចាំកម្ពុជា នាយកអង្គការរតនៈអន្តរជាតិ និងអង្គការដៃគូពាក់ព័ន្ធសមាសភាពអ្នកចូលរួមសរុប ចំនួន៤៥នាក់។