សណ្ឋាគារសាន់អេនមូន ៖ ឯកឧត្តម ឌីន បូរី អគ្គនាយកសេវាសង្គមកិច្ចនៃ ក្រសួងសង្គមកិច្ច អតីតយុទ្ធជន និងយុវនីតិសម្បទា បានអញ្ជើញចូលរួមជាគណៈអធិបតី បើកសិក្ខាសាលាស្តីពីការបង្ហាញលទ្ធផល និងអនុសាសន៍ពីការពិគ្រោះយោបល់ ជាមុនលើការពិនិត្យគោលការណ៍ណែនាំ ស្តីពីបែបបទ និងនីតិវិធីនៃការកំណត់អត្តសញ្ញាណជនរងគ្រោះដោយអំពើជួញដូរមនុស្ស ដើម្បីផ្តល់សេវាសមស្រប សម្រាប់គម្រោងអភិវឌ្ឍសមត្ថភាពដើម្បីជួយដល់ជនរងគ្រោះដែលរួចពីការជួញដូរមនុស្ស។
សិក្ខាសាលានេះបានធ្វើឡើងនៅថ្ងៃអង្គារ ១០រោច ខែមាឃ ឆ្នាំថោះ បញ្ចស័ក ព.ស ២៥៦៧ ត្រូវនឹងថ្ងៃទី០៥ ខែមីនា ឆ្នាំ២០២៤ ដោយមានការអញ្ជើញចូលរួមពីសំណាក់ ឯកឧត្តម លោកជំទាវ លោក លោកស្រី មកពីក្រសួងសង្គមកិច្ច អតីតយុទ្ធជន និងយុវនីតិសម្បទា ក្រសួងយុត្តិធម៌ ក្រសួងមហាផ្ទៃ គ.ជ.ប.ជ ចៅក្រមសាលាដំបូងរាជធានីភ្នំពេញ តំណាងអង្គការ JICA ទីប្រឹក្សាគម្រោង និងអង្គការដៃគូរអភិវឌ្ឍន៍ សរុបចំនួន ២៩នាក់ នៅសណ្ឋាគារសាន់អេនមូន។
