ទីស្តីការក្រសួង៖ នាព្រឹកថ្ងៃចន្ទ ៣កើត ខែអាសាឍ ឆ្នាំរោង ឆស័ក ព.ស២៥៦៨ ត្រូវនឹងថ្ងៃទី៨ ខែកក្កដា ឆ្នាំ២០២៤ លោកជំទាវ លៀង ស្រីម៉ុល រដ្ឋលេខាធិការ តំណាងដ៏ខ្ពង់ខ្ពស់ឯកឧត្តម ជា សុមេធី រដ្ឋមន្ត្រីក្រសួងសង្គមកិច្ច អតីតយុទ្ធជន និងយុវនីតិសម្បទា អញ្ជើញជាអធិបតីភាព បើកកិច្ចប្រជុំក្រុមការងារអធិការកិច្ចវិស័យពិការភាព នៃព្រះរាជាណាចក្រកម្ពុជា និងបណ្ដុះបណ្ដាលពង្រឹងសមត្ថភាពដល់ក្រុមការងារអធិការកិច្ចវិស័យពិការភាព និងមានការអញ្ជើញចូលរួមពី ឯកឧត្តមអនុរដ្ឋលេខាធិការ ឯកឧត្តមអគ្គនាយក លោកស្រីអគ្គនាយករង ប្រធាននាយកដ្ឋានសុខុមាលភាពជនពិការ ប្រធានរដ្ឋបាលសិទ្ធិជនពិការ លោកប្រធានមន្ទីរ លោក លោកស្រី ក្រុមការងារអធិការកិច្ចវិស័យពិការភាព នៃព្រះរាជាណាចក្រកម្ពុជា ដែលរៀបចំដោយ រដ្ឋបាលសិទ្ធជនពិការ នាយកដ្ឋានសុខុមាលភាពជនពិការ នៃក្រសួងសង្គមកិច្ច អតីតយុទ្ធជន និងយុវនីតិសម្បទា។
១. គោលបំណង
-បូកសរុបលទ្ធផលការងារក្រុមការងារអធិការកិច្ចវិស័យពិការភាព
- ជំរុញការងារអធិការកិច្ចវិស័យពិការភាពថ្នាក់រាជធានី ខេត្ត លើការផ្សព្វផ្សាយ និងជំរុញវិស័យឯកជន មកចុះបញ្ជិកា លើការអនុវត្តច្បាប់ស្តីពីកិច្ចការពារ និងលើកកម្ពស់សិទិ្ធជនពិកា
- បណ្ដុះបណ្ដាលពង្រឹងសមត្ថភាពដល់ក្រុមការងារអធិការកិច្ចវិស័យពិការភាព។
