ស្ទឹងត្រែង÷ នៅព្រឹកថ្ងៃទី១២ ខែធ្នូ ឆ្នាំ២០២៣ មន្ទីរសង្គមកិច្ច អតីតយុទ្ធជន និងយុវនីតិសម្បទាខេត្តស្ទឹងត្រែង បានសហការជាមួយ រដ្ឋបាលក្រុង និងរដ្ឋបាលសង្កាត់ស្ទឹងត្រែង ចុះសួរសុខទុក្ខ គ្រួសារជនចាស់ជរាទីទាល់ក្រចំនួន ៣គ្រួសារ និងជនមានពិការភាពចំនួន ១គ្រួសារ និងបានផ្ដល់ជូននូវគ្រឿងឧបភោគបរិភោគ និងថវិកា ក្នុង ១គ្រួសារទទួលបានអង្ករ ២៥គ.ក្រ មី ១កេះ ទឹកត្រី ១យួរ ត្រីខកំប៉ុង ១យួរ ភួយ ១ និងថវិកា ៥០ ០០០រៀល។
ដោយឡែកគ្រួសារចាស់ជរា ដែលមានចៅតូចៗនៅក្នុងបន្ទុកគ្រួសារចំនួន ៥នាក់ ទទួលបាន អង្ករ ៥០គ.ក្រ មី ២កេះ ទឹកត្រី ២យួរ ត្រីខកំប៉ុង ២យួរ ភួយ ២ និងថវិកា ១០០ ០០០រៀល៕
