ខេត្តកំពង់ចាម ៖ ថ្ងៃពុធ ៤កើត ខែផល្គុន ឆ្នាំថោះ បញ្ចស័ក ព.ស. ២៥៦៧ ត្រូវនឹងថ្ងៃទី១៣ ខែមីនា ឆ្នាំ២០២៤ នាយកដ្ឋានសុខុមាលភាពជនពិការ បានរៀបចំវគ្គបណ្តុះបណ្តាលស្តីពីបច្ចេកទេសការកំណត់អត្តសញ្ញាណកម្មពិការភាពតាមគំរូសង្គម និងសិទ្ធិជាមូលដ្ឋាន ដល់គ្រូបង្គោលថ្មី ថា្នក់រាជធានី ខេត្ត ក្រោមអធិបតីភាព ឯកឧត្តម សែម សុខា រដ្ឋលេខាធិការក្រសួងសង្គមកិច្ច អតីតយុទ្ធជន និងយុវនីតិសម្បទា ដោយមានការអញ្ជើញចូលរួមពីលោកស្រីអគ្គនាយករងនៃអគ្គនាយកដ្ឋានស្តារសម្បទា លោកប្រធានមន្ទីរ ស.អ.យ ខេត្តកំពង់ចាម តំណាងអង្គការយូនីសេហ្វ និងលោក លោកស្រី ជាគ្រូបង្គោលរាជធានី ខេត្ត ចំនួន ៧៤នាក់ ដែលប្រព្រឹត្តទៅនៅសាលប្រជុំមន្ទីរសង្គមកិច្ច អតីតយុទ្ធជន និងយុវនីតិសម្បទា ខេត្តកំពង់ចាម។
វគ្គបណ្តុះបណ្តាល រៀបចំឡើងដើម្បីបន្តនិរន្តភាពការងារកំណត់អត្តសញ្ញាណកម្មពិការភាពនៅតាមរាជធានី ខេត្ត ក្រុង ស្រុក ខណ្ឌ ឃុំសង្កាត់ និងបណ្តុះបណ្តាលគ្រូបង្គោលថ្មីថ្នាក់រាជធានី ខេត្ត ក្នុងការកំណត់អត្តសញ្ញាណកម្មពិការភាពតាមគំរូសង្គម និងសិទ្ធិជាមូលដ្ឋាន។
