ទីស្ដីការក្រសួង ៖ នៅព្រឹកថ្ងៃទី១៤ ខែកុម្ភៈ ឆ្នាំ២០២៤ ឯកឧត្តម តូច ចាន់នី រដ្ឋលេខាធិការក្រសួងសង្គមកិច្ច អតីតយុទ្ធជន និងយុវនីតិសម្បទា និងជាប្រធានក្រុមការងារអ្នកនាំពាក្យរបស់ក្រសួងសង្គមកិច្ច អតីតយុទ្ធជន និងយុវនីតិសម្បទា បានដឹកនាំកិច្ចប្រជុំស្ដីពីការស្រង់មតិ និងសំណូមពរសាធារណជន និងយន្ដការឆ្លើយតបរបស់ក្រុមការងារអ្នកនាំពាក្យ។
កិច្ចប្រជុំនេះបានប្រារព្ធធ្វើនៅទីស្ដីការក្រសួងសង្គមកិច្ច អតីតយុទ្ធជន និងយុវនីតិសម្បទា ដោយមានការចូលរួមដោយផ្ទាល់ និងតាមប្រព័ន្ធ Zoom ពី ឯកឧត្តម លោកជំទាវ លោក លោកស្រី ជាសមាជិកក្រុមការងារអ្នកនាំពាក្យ សមាជិកលេខាធិការដ្ឋានក្រុមការងារអ្នកនាំពាក្យ និងសមាជិកមន្ទីរ ស.អ.យ. ទាំង២៥រាជធានីខេត្ត។
កិច្ចប្រជុំនេះប្រព្រឹត្តិទៅក្នុងគោលបំណង៖
-អង្គភាពក្រោមឱវាទក្រសួងទាំងអស់ក្តាប់បាននូវមតិ យោបល់ និងសំណូមពរផ្សេងៗរបស់ប្រជាពលរដ្ឋ និងឆ្លើយតបបានទាល់ពេលវេលា។
-មានមូលដ្ឋានគ្រប់គ្រាន់សម្រាប់រាយការណ៍ជូនឯកឧត្តមរដ្ឋមន្ត្រី អំពីសំណូមពរនានាដែលលើសពីសមត្ថភាព ឆ្លើយតបរបស់អង្គភាពជំនាញ និងជាយន្តការជម្រុញអង្គភាពជំនាញក្នុងការដោះស្រាយ និងរាយការណ៍។
