រាជធានីភ្នំពេញ÷ នៅព្រឹកថ្ងៃអង្គារ ថ្ងៃទី១៤ ខែវិច្ឆិកា ឆ្នាំ២០២៣ ឯកឧត្តម ឌីន បូរី អគ្គនាយក នៃអគ្គនាយកដ្ឋានសេវាសង្គមកិច្ច និងឯកឧត្តម សួស ប្រាថ្នា អគ្គនាយកនៃអគ្គនាយកដ្ឋានរដ្ឋបាលក្រសួងមហាផ្ទៃ អញ្ជើញចូលរួមជាគណៈធិបតី បើកសិក្ខាសាលាពិគ្រោះយោបល់ថ្នាក់ជាតិជាមួយក្រសួង ស្ថាប័នពាក់ព័ន្ធលើសេចក្តីព្រាងសៀវភៅណែនាំស្តីពីនីតិវិធីប្រតិបត្តិកិច្ចការពារកុមារសម្រាប់រដ្ឋបាលក្រុង ស្រុក ខណ្ឌ។

សិក្ខាសាលានេះ មានការចូលរួមពីក្រសួងស្ថានប័នពាក់ព័ន្ធថ្នាក់ជាតិ និងក្រោមជាតិនៃរដ្ឋបាលខេត្តបាត់ដំបង និងអង្គការដៃគូ សរុបចំនួន ៨០នាក់ ក្រោមការឧបត្ថម្ភគាំទ្រពីអង្គការយូនីសេហ្វ។

សូមបញ្ជាក់ថា៖ នេះជាសិក្ខាសាលាពិគ្រោះយោបល់ចុងក្រោយ លេីសេចក្តីព្រាងសៀវភៅណែនាំស្តីពីនីតិវិធីប្រតិបត្តិកិច្ចការពារកុមារសម្រាប់រដ្ឋបាលក្រុង ស្រុក ខណ្ឌ មុននឹងស្នេីសុំការអនុម័តពីថ្នាក់ដឹកនាំក្រសួងសង្គមកិច្ច អតីតយុទ្ធជន និងយុវនីតិសម្បទា និងក្រសួងមហាផ្ទៃ សម្រាប់ដាក់ឱ្យអនុវត្តជាផ្លូវការ៕