ទីស្តីការក្រសួង៖ ថ្ងៃទី១៥ ខែកុម្ភៈ ឆ្នាំ២០២៤ ឯកឧត្តម ធូ ស៊ុន រដ្ឋលេខាធិការក្រសួងសង្គមកិច្ច អតីតយុទ្ធជន និងយុវនីតិសម្បទា អញ្ជើញជាអធិបតីដឹកនាំកិច្ចប្រជុំពិនិត្យកែសម្រួលលើសេចក្តីព្រាងសេចក្តីណែនាំស្តីពីការកំណត់លក្ខណៈសម្បត្តិ និងចំណាត់ថ្នាក់ប្រឡងប្រណាំងរបស់អនីតិជនជាទណ្ឌិតក្នុងមណ្ឌលយុវនីតិសម្បទាដោយមានការអញ្ជើញចូលរួមពី ឯកឧត្តម តាំ សារឿន អនុរដ្ឋលេខាធិការ លោក ពួក សីហា អគ្គនាយករង នៃអគ្គនាយកដ្ឋានគោលនយោបាយសង្គមកិច្ច លោក ឡឹប ឌីម៉ង អគ្គនាយករង នៃអគ្គនាយកដ្ឋានកិច្ចការរដ្ឋបាល និងហិរញ្ញវត្ថុ លោក ឃ្លាំង ទី អគ្គនាយករងនៃអគ្គនាយកដ្ឋានស្ដារសម្បទា លោក ចៅ ឆេង អធិការ នៃអគ្គាធិការដ្ឋាន លោក គង់ ស្រ៊ិន ប្រធាននាយកដ្ឋាន លោក ភា វណ្ណៈ ប្រធានមណ្ឌល និងមន្រ្តីជំនាញ។
សេចក្តីណែនាំនេះរៀបចំឡើង ដើម្បីលើកកម្ពស់ប្រសិទ្ធភាពក្នុងការងារស្ដារនីតិសម្បទា អប់រំកែប្រែ និងវាយតម្លៃអនីតិជនជាទណ្ឌិតឱ្យបានត្រឹមត្រូវក្នុងរយៈពេលអនុវត្តទោសនៅមណ្ឌលយុវនីតិសម្បទា ក្រសួងសង្គមកិច្ច អតីតយុទ្ធជន និងយុវនីតិសម្បទា៕
