ខេត្តស្វាយរៀង ៖ នៅថ្ងៃចន្ទ ១០កើត ខែអាសាឍ ឆ្នាំរោង ឆស័ក ព.ស. ២៥៦៨ ត្រូវនឹងថ្ងៃទី១៥ ខែកក្កដា ឆ្នាំ២០២៤ ពិធីសម្ពោធសមិទ្ធផលអណ្តូងទឹកចំនួន ២៥អណ្តូង និងសំណេះសំណាលចែកអំណោយ
ជូនប្រជាពលរដ្ឋចំនួន ៥០០គ្រួសារ ស្ថិតនៅទីតាំងដីសម្បទានសង្គមកិច្ច ក្នុងភូមិធ្លកថ្មី ឃុំត្នោត ស្រុកកំពង់រោទិ៍។
ឯកឧត្តម ម៉ែន វិបុល ប្រធានក្រុមប្រឹក្សាខេត្តស្វាយរៀង និងឯកឧត្តម ប៉េង ពោធិ៍សា អភិបាលខេត្ត បានអញ្ជើញចូលរួមពិធីសម្ពោធសមិទ្ធផលអណ្តូងទឹកចំនួន ២៥អណ្តូង និងសំណេះសំណាលចែកអំណោយជូនប្រជាពលរដ្ឋចំនួន ៥០០គ្រួសារ
ស្ថិតនៅទីតាំងដីសម្បទានសង្គមកិច្ចនៅភូមិធ្លកថ្មី ឃុំត្នោត ស្រុកកំពង់រោទិ៍ ខេត្តស្វាយរៀង ក្រោមអធិបតីភាពដ៏ខ្ពង់ខ្ពស់សម្តេចកិត្តិសង្គហបណ្ឌិត ម៉ែន សំអន ឧត្តមក្រុមប្រឹក្សាផ្ទាល់ព្រះមហាក្ស នៃព្រះរាជាណាចក្រកម្ពុជា និងជាអ្នកតំណាងរាស្ត្រមណ្ឌលខេត្ត។ អំណោយដែលបានចែកជូនក្នុងពិធីនេះដែររួមមាន ៖ អង្ករ ៦គីឡូក្រាម ស្ករស ១គីឡូក្រាម អំបិល ១គីឡូក្រាម ទឹកត្រី ១យួរ ទឹកស៊ីអ៊ីវ ១យួរ និងថវិកា ១០.០០០ រៀល។
