រាជធានីភ្នំពេញ ៖ នៅព្រឹកថ្ងៃអង្គារ ១១ កើត ខែអាសាឍ ឆ្នាំរោង ឆស័ក ព.ស.២៥៦៨ ត្រូវនឹងទី១៦ ខែកក្កដា ឆ្នាំ២០២៤ ដោយទទួលបានការអនុញាតដ៏ខ្ពង់ខ្ពស់ពី ឯកឧត្តម ជា សុមេធី រដ្ឋមន្ត្រី នៃក្រសួងសង្គមកិច្ច អតីតយុទ្ធជន និងយុវនីតិសម្បទា ឯកឧត្តម អំ សុខហេង អនុរដ្ឋលេខាធិការ តំណាងក្រសួងសង្គមកិច្ច អតីតយុទ្ធជន និងយុវនីតិសម្បទា
បានចូលរួមជាកិត្តិយសក្នុងពិធីបញ្ចុះបឋមសិលាសាងសង់បន្ទប់ពិគ្រោះយោបល់សម្រាប់ជនរងគ្រោះ សាលតាំងពិពណ៌អចិន្ត្រៃយ៍ស្តីពី ដំណើរការជំនុំជម្រះក្តី និងឧទ្យានសម្រាប់ការចងចាំ ក្រោមអធិបតីភាពដ៏ខ្ពស់ខ្ពស់សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា
សមាសភាពចូលរួម ៖ ឯកឧត្តមឧបនាយករដ្ឋមន្រ្តី ទេសរដ្ឋមន្រ្តី រដ្ឋមន្រ្តីតាមស្ថាប័ន អគ្គលេខាធិការទទួលបន្ទុកកិច្ចការច្បាប់ និងជាទីប្រឹក្សាអង្គការសហប្រជាជាតិ ឯកអគ្គរាជទូត និងភ្ញៀវជាតិ អន្តរជាតិ។
សម្តេចធិបតីនាយករដ្ឋមន្រ្តី ផ្តល់អនុសាសន៍សំខាន់ជូនទៅតាមក្រសួង ស្ថាប័ន ត្រូវផ្សព្វផ្សាយឲ្យបានទូលំទូលាយ យល់ដឹងពីការបង្កើតឲ្យមាន មជ្ឈមណ្ឌលធនធាន របស់ អ.វ.ត.ក គោលបំណងថែរក្សា និងលើកកម្ពស់កេរដំណែលពាក់ព័ន្ធនឹងបណ្ណសាររបស់ខ្លួនទុក
និងការគ្រប់គ្រងបណ្ណសារនៃសំណុំរឿងទាំងអស់តាមស្តង់ដាអន្តរជាតិ សម្រាប់ឲ្យសាធារណជនអាចចូលមើលសិក្សាស្វែងយល់ពីប្រវត្តិសាស្រ្តដ៏ខ្មៅងងឹតរបស់កម្ពុជា ឲ្យកាន់តែទូលំទូលាយបន្ថែមទៀត។
