ខេត្តតាកែវ ៖ លោក យូ សុភ័ក្រ ប្រធាននាយកដ្ឋានគាំពារជនរងគ្រោះតំណាង ឯកឧត្តម ឌីន បូរី អគ្គនាយកដ្ឋានសេវាសង្គមកិច្ច នៃក្រសួងសង្គមកិច្ច អតីតយុទ្ធជន និងយុវនីតិសម្បទា បានចូលរួមសម្របសម្រួលបើកវគ្គបណ្ដុះបណ្ដាលគ្រូបង្គោលស្ដីពី ការងារសមាហរណកម្ម និងតាមដានជនរងគ្រោះដោយអំពើជួញដូរមនុស្ស និងរំលោភបំពានផ្លូវភេទដែលបានស្នាក់ក្នុងមជ្ឈមណ្ឌលរដ្ឋ អង្គការមិនមែនរដ្ឋាភិបាល និងសហគមន៍មានរយៈពេល០៤ថ្ងៃ គឺចាប់ពីថ្ងៃទី១៧-២០ ខែមិថុនា ឆ្នាំ២០២៤ នៅមន្ទីរ ស.អ.យ. ខេត្តតាកែវ ដោយមានការអញ្ជើញចូលរួមពីលោក លោកស្រី ប្រធាន អនុប្រធានមន្ទីរ ស.អ.យ. ខេត្តតាកែវ ព្រៃវែង ស្វាយរៀង កណ្តាល កំពង់ស្ពឺ រាជធានីភ្នំពេញ ទាំង៦ ព្រមទាំងមន្រ្តីជំនាញ និងអង្គការដៃគូពាក់ព័ន្ធផងដែរ។
