ខេត្តព្រះវិហារ ៖ ថ្ងៃព្រហស្បតិ៍ ១៣កើត ខែអាសាឍ ឆ្នាំរោង ឆស័កព.ស២៥៦៨ ត្រូវនិងថ្ងៃទី១៨ ខែកក្កដា ឆ្នាំ២០២៤ មន្ទីរសង្គមកិច្ច អតីតយុទ្ធជន និងយុវនីតិសម្បទា បានរៀបចំពិធីចែកសម្ភារគ្រឿងឧបភោគបរិភោគ ដែលជាអំណោយរបស់រាជរដ្ឋាភិបាល តាមរយៈមន្ទីរសង្គមកិច្ច អតីតយុទ្ធជន និងយុវនីតិសម្បទា ជូនជនរងគ្រោះ និងងាយរងគ្រោះដោយធម្មជាតិដែលមានជីវភាពខ្វះខាតក្នុងសហគមន៍ ស្រុកជាំក្សាន្ត ខេត្តព្រះវិហារ ចំនួន ៣៥០គ្រួសារក្រោមអធិបតីភាព ឯកឧត្តម គីម រិទ្ធី អភិបាលខេត្ត នៃគណៈអភិបាលខេត្តព្រះវិហារ លោក រស់ ស៊ីផា ប្រធានមន្ទីរ និងសហការីរបស់មន្ទីរលោក លោកស្រី ប្រធាន អនុប្រធានមន្ទីរជុំវិញខេត្ត លោក អភិបាលស្រុក លោក លោកស្រីអភិបាលរងស្រុក កងកម្លាំងទាំង៣ និងមន្ត្រីរាជការនៃសាលាស្រុកជាំក្សាន្ត។

អំណោយរួមមាន អង្ករ ប៊ីចេង ប្រេងឆា ត្រីខកំប៉ុង និងសាប៊ូកញ្ចប់។