ថ្ងៃព្រហស្បតិ៍ ៥កេីត ខែអស្សុជ ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី១៩ ខែតុលា ឆ្នាំ២០២៣ លោក ភី ណូ ប្រធាននាយកដ្ឋានកិច្ចការពារកុមារ តំណាងឯកឧត្តម ឌីន បូរី អគ្គនាយកនៃអគ្គនាយកដ្ឋានសេវាសង្គមកិច្ច បានចូលរួមបេីកវគ្គបណ្ដុះបណ្ដាលស្តីពី “ជំនាញប្រាស្រ័យទាក់ទង ការគ្រប់គ្រងករណី និងរបៀបគាំទ្រដល់មន្រ្តីសង្គមកិច្ចក្រុង ស្រុក ខណ្ឌ” ដល់មន្ត្រីនាយកដ្ឋានកិច្ចការពារកុមារ ចំនួន ១៥រូប ដែលសហការរៀបចំដោយអង្គការសេវាសង្គមកិច្ចកម្ពុជា និងនាយកដ្ឋានកិច្ចការពារកុមារ។
វគ្គបណ្តុះបណ្ដាលរៀបចំឡេីងក្នុងគោលបំណង៖
-ពង្រឹងសមត្ថភាពមន្រ្តីពាក់ព័ន្ធនឹងជំនាញសម្រាប់ឆ្លេីយតបតម្រូវការរបស់កុមារ ដោយផ្សារភ្ជាប់ជាមួយនឹងទ្រឹស្តី និងការអនុវត្ត
-បង្កេីនចំណេះដឹង លេីជំនាញប្រាស្រ័យទាក់ទង និងការគ្រប់គ្រងករណី
-ពង្រឹងសមត្ថភាពមន្រ្តី ថ្នាក់ជាតិ នូវចំណេះដឹង និងបច្ចេកទេសដេីម្បី គាំទ្របន្តដល់មន្ត្រីសង្គមកិច្ចក្រុង ស្រុក ខណ្ឌ ។
