កំពង់ឆ្នាំង÷ ព្រឹកថ្ងៃទី២០ ខែវិច្ឆិកា ឆ្នាំ២០២៣ លោក ឈាង ចន្ធី ប្រធានមន្ទីរសង្គមកិច្ច អតីតយុទ្ធជន និងយុវនីតិសម្បទាខេត្តកំពង់ឆ្នាំង បានចូលរួមពិធីសំណេះសំណាលសួរសុខទុក្ខ អតីតយុទ្ធជនខេត្តកំពង់ឆ្នាំង នៅស្រុកសាមគ្គីមានជ័យ ឃុំក្រាំងល្វា ភូមិអូរកាខុប ចំនួន ១០២នាក់ ក្រោមអធិបតីភាពដ៏ខ្ពង់ខ្ពស់ ឯកឧត្តម នាយឧត្តមសេនីយ៍ កិត្តិសង្កហបណ្ឌិត គន់ គីម ទេសរដ្ឋមន្តី្រ អនុប្រធាន និងជាអគ្គលេខាធិការ សមាគមអតីតយុទ្ធជនកម្ពុជា។

នាឱកាសនោះដែរ ឯកឧត្តម បាននាំយក គ្រឿងបរិភោគ សម្ភារៈប្រើប្រាស់ចែកជូនដល់អតីតយុទ្ធជន ទាំង ១០២នាក់ ដែលម្នាក់ៗទទួលបាន អង្គរ ២៥គីឡូ មី ១កេស ត្រីខ ១យួរ ទឹកត្រី ១យួរ ទឹកស៊ីអ៉ីវ ១យួរ ទឹកបរិសុទ្ធដបធំ ១កេស និងគ្រាប់ពូជដំណាំ៕