ដោយទទួលបានការចាត់តាំងពីឯកឧត្តម ជា សុមេធី រដ្ឋមន្រ្តីក្រសួងសង្គមកិច្ច អតីតយុទ្ធជន និងយុវនីតិសម្បទា និងការណែនាំផ្ទាល់ពីឯកឧត្តម ស៊ូនី វង្សវិសិដ្ឋ រដ្ឋលេខាធិការ និងជាប្រធានក្រុមប្រឹក្សាភិបាលមូលនិធិជាតិជំនួយសង្គម និងឯកឧត្តម ស៊ឹម សុធន ប្រតិភូរាជរដ្ឋាភិបាលកម្ពុជាទទួលបន្ទុកជាអគ្គនាយកមូលនិធិជាតិជំនួយសង្គម លោក ជួរ រតនៈ អគ្គនាយករងមូលនិធិជាតិជំនួយសង្គម បានដឹកនាំក្រុមការងារ ដែលមានសមាសភាព៖
(១) ក្រុមការងារមូលនិធិជាតិជំនួយសង្គម
(២) ក្រុមការងាររដ្ឋបាលស្រុកបន្ទាយស្រី
(៣) សាខាមូលនិធិជាតិជំនួយសង្គមខេត្តសៀមរាប
(៤) ក្រុមការងារឃុំរុនតាឯក និងប្រជាការពារភូមិ

ចុះធ្វើការផ្សព្វផ្សាយដល់គ្រួសារដែលមានបណ្ណសមធម៌ ក្នុងក្រុងរុនតាឯកតេជោសែន និងឃុំពាក់ស្នែង ស្រុកអង្គរធំ ខេត្តសៀមរាប ដើម្បីពន្យល់បកស្រាយពី៖
(១) ការទទួលបានប្រាក់ឧបត្ថម្ភប្រចាំខែ
(២) នីតិវិធីនៃការបើកប្រាក់
(៣) ការប្រើប្រាស់បណ្ណសមធម៌ដើម្បីទទួលបានអត្ថប្រយោជន៍បន្ថែម ដូចជា ការពិនិត្យព្យាបាលជំងឺដោយមិនបង់ថ្លៃ ការចុះឈ្មោះស្រ្តីមានផ្ទៃពោះ និងកុមារអាយុក្រោម២ឆ្នាំ និងការចុះឈ្មោះចូលកម្មវិធី TVET ដើម្បីទទួលបានទាំងចំណេះជំនាញ និងប្រាក់ឧបត្ថម្ភ
(៤) លើកទឹកចិត្តដល់គ្រួសារដែលបានចូលរួម ជួយផ្សព្វផ្សាយបន្ត

សម្រាប់គ្រួសារដែលមិនមានវត្តមាននៅផ្ទះ ក្រុមការងារបានបិទសេចក្តីជូនដំណឹងតាមផ្ទះ ដើម្បីជូនព័ត៌មានដល់គាត់។