ខេត្តព្រៃវែង៖ ព្រឹកថ្ងៃសៅរ៍ ១៥ កើត ខែអាសាឍ ឆ្នាំរោង ឆស័ក ព.ស.២៥៦៨ ត្រូវថ្ងៃទី២០ ខែកក្កដា ឆ្នាំ២០២៤ ឯកឧត្តម ជា សុមេធី រដ្ឋមន្រ្តី នៃក្រសួងសង្គមកិច្ច អតីតយុទ្ធជន និងយុវនីតិសម្បទា និងលោកជំទាវ ព្រមទាំងក្រុមគ្រួសារ និងក្រុមការងាររាជរដ្ឋាភិបាលចុះមូលដ្ឋានស្រុកពាមជរ បាននាំយកនូវទៀនចំណាំព្រះវស្សាប្រគេនជូនចំនួន ៣០វត្ត ក្នុងវត្តព្រែកក្របៅ ស្ថិតនៅឃុំព្រែកក្របៅ ស្រុកពាមជរ ខេត្តព្រៃវែង។
ឯកឧត្តមរដ្ឋមន្រ្តី សូមឧទ្ទិសមហាកុសលនៃវស្សិកបទីបទាននេះជូនដួងវិញ្ញាណក្ខន្ធ សម្ដេចអគ្គមហាធម្មពោធិសាល ជា ស៊ីម និង លោកជំទាវ ញ៉ែម សឿន ជាស៊ីម ព្រមទាំងញ្ញាតកាទាំងប្រាំពីរសន្ដាន និងបុព្វការីជន វីរជនអ្នកស្នេហាជាតិទាំងអស់ដែលបានចែកឋានទៅ។
