ព្រះវិហា ៖ លោក យូ សុភ័ក្រ ប្រធាននាយកដ្ឋានគាំពារជនរងគ្រោះ តំណាងឯកឧត្តម ឌីន បូរី អគ្គនាយកដ្ឋានសេវាសង្គមកិច្ច បានសហការរៀបចំ ជាមួយអង្គការអន្តរជាតិ ទេសន្តរប្រវេសន៏ IOM ចូលរួមសម្របសម្រួលបើកវគ្គបណ្តុះបណ្តាល ស្តីពីការគ្រប់គ្រងករណី នៃមាតុភូមិនិវត្តន៏
និងធ្វើសមាហរណកម្មដល់ជនរងគ្រោះដោយអំពើជួញដូរមនុស្ស ដល់សិក្ខាកាមប្រមាណជា៣៥រូប មានរយៈពេល៣ថ្ងៃ គឺចាប់ពីថ្ងៃទី២៣-២៥ខែមករា ឆ្នាំ២០២៤ នៅភោជនីយដ្ឋាន លី ហួត ខេត្តព្រះវិហា ។ ដោយមានការអញ្ជើញចូលរួមពីលោកប្រធានមន្ទីរ សអយ ខេត្តព្រះវិហា មន្ទីរកិច្ចការនារី មន្ទីរការងារបណ្តុះបណ្តាលវិជ្ជាជីវៈ ការិ.សង្គមកិច្ច និងសុខុមាលភាពសង្គម ស្រុក-ក្រុង គ.ក.ន.គ ឃុំ ។ វគ្គបណ្តុះបណ្តាលនេះត្រូវបានរៀបចំឡើងក្នុងគោលបំណង បន្តការកសាងសមត្ថភាពដល់គ្រូ ឧទ្ទេសថ្នាក់មន្ត្រីថ្នាក់ក្រោមជាតិនិងអ្នកពាក់ព័ន្ធក្នុងវិស័យសមាហរណកម្ម។ជួយពង្រឹងសមត្ថភាពដល់មន្ត្រីដែល ជាអ្នកអនុវត្តផ្ទាល់ក្នុងការងារសមាហរណកម្ម និងផ្តល់ការគាំទដោយមានការវាយ តម្លៃឱ្យបានកាន់តែប្រសើរឡើង អំពីភាពងាយរងគ្រោះ ហានិភ័យ ស្ថានភាពគ្រួសារ និង ជំនាញប្រឹក្សា យោបល់ ដល់ជនរងគ្រោះដោយអំពើ ជួញដូរមនុស្ស សំដៅបង្កើតកម្មវិធីសមាហរណកម្មប្រកប ដោយនិរន្តរភាព ដោយមាន ការគាំទ្រផ្នែកសេដ្ឋកិច្ច សង្គម និងចិត្តសង្គម។