ខេត្តព្រះសីហនុ៖ ថ្ងៃទី២២-២៣ ខែកក្កដា ឆ្នាំ២០២៤ ដោយទទួលបានការអនុញ្ញាតដ៏ខ្ពង់ខ្ពស់ពីឯកឧត្តម ជា សុមេធី រដ្ឋមន្ត្រី នៃក្រសួងសង្គមកិច្ច អតីតយុទ្ធជន និងយុវនីតិសម្បទា និងជាប្រធានក្រុមប្រឹក្សាសកម្មភាពជនពិការ។ ឯកឧត្តម អ៊ុង សម្បត្តិ អគ្គលេខាធិការស្តីទីនៃអគ្គលេខាធិការដ្ឋានក្រុមប្រឹក្សាសកម្មភាពជនពិការ បានដឹកនាំមន្ត្រីបច្ចេកទេសប្រជុំពិនិត្យវឌ្ឍនភាព នៃផែនការយុទ្ធសាស្ត្រជាតិស្តីពី ពិការភាពឆ្នាំ ២០២៤-២០២៨ នៅសណ្ឋាគារ RIVA ខេត្តព្រះសីហនុ។

សូមបញ្ជាក់ផងដែរថា ផែនការយុទ្ធសាស្ត្រជាតិស្តីពី ពិការភាពឆ្នាំ ២០២៤-២០២៨ មានបេសកកម្មសម្រេចឱ្យបាននូវបរិយាបន្នពិការភាពក្នុងសកម្មភាពការងារ និងថវិការបស់ក្រសួងស្ថាប័ន ដៃគូអភិវឌ្ឍន៍ វិស័យឯកជន អង្គការអន្តរជាតិ អង្គការមិនមែនរដ្ឋាភិបាល ព្រមទាំងអ្នកពាក់ព័ន្ធដទៃទៀត នៅថ្នាក់ជាតិ និងថ្នាក់ក្រោមជាតិ។