កោះកុង៖ នៅថ្ងៃទី២៣ ខែវិច្ឆិកា ឆ្នាំ២០២៤ ឯកឧត្តម ជា សុមេធី និងលោកជំទាវ អញ្ជើញដឹកនាំប្រតិភូនក្រសួងសង្គមកិច្ច អតីតយុទ្ធជន និងយុវនីតិសម្បទា ចូលរួមពិធីគោរពវិញ្ញាណក្ខន្ធសពមហាឧបាសិកា យិប ថាំកេសន ត្រូវជាមាតាក្មេករបស់សម្ដេចពិជ័យសេនា ទៀ បាញ់ ឧត្ដម ប្រឹក្សាផ្ទាល់ព្រះមហាក្សត្រ និងត្រូវជាម្ដាយបង្កើតរបស់លោកជំទាវ តៅ តឿន ទៀបាញ់ ដែលបានទទួលអនិច្ចកម្ម ដោយជរាពាធ នៅម៉ោង ១២:២០នាទីរសៀល ត្រូវនឹងថ្ងៃទី២០ ខែវិច្ឆិកា ឆ្នាំ២០២៣ ក្នុងជន្មាយុ ៩៩ឆ្នាំ ស្ថិតនៅគេហដ្ឋាន ក្នុងក្រុងខេមរភូមិន្ទ ខេត្តកោះកុង។
ស្ថិតក្នុងបរិយាកាសដ៏សែនរន្ធត់ក្រៀមក្រំសោកសៅនេះ ឯកឧត្តម ជា សុមេធី និងមន្ត្រីរាជការទាំងអស់នៃក្រសួងសង្គមកិច្ច សូមចូលរួមសំដែងនូវសមានទុក្ខ និងការសោកស្តាយឥតឧបមាជាមួយ សម្ដេច និងក្រុមគ្រួសារទាំងអស់នៃសព និងសូមធ្វើគារវកិច្ចដោយក្តីក្រៀមក្រំបំផុតចំពោះវិញ្ញាណក្ខន្ធមហាឧបាសិកា យិប ថាំកេសន និងសូមឧទ្ទិសដល់វិញ្ញាណក្ខន្ធមហាឧបាសិកា យិប ថាំកេសន សូមបានទៅសោយសុខក្នុងសុគតិភពកុំបីឃ្លៀងឃ្លាតឡើយ៕
