ដោយទទួលបានការអនុញ្ញាតដ៏ខ្ពង់ខ្ពស់ពីឯកឧត្តម ជា សុមេធី រដ្ឋមន្ត្រីក្រសួងសង្គមកិច្ច អតីតយុទ្ធជន និងយុវនីតិសម្បទា និងការគាំទ្រពី The Asia Foundation នៅថ្ងៃទី២៦ ខែមីនា ឆ្នាំ២០២៦ អគ្គនាយកដ្ឋានគោលនយោបាយសង្គមកិច្ចសហការជាមួយក្រសួងបរិស្ថាន វិទ្យាស្ថានជាតិសង្គមកិច្ច និងមជ្ឈមណ្ឌលសម្រាប់ការវិភាគបញ្ហាអភិវឌ្ឍន៍ បានរៀបចំសិក្ខាសាលាពិគ្រោះយោបល់លើការអភិវឌ្ឍឯកសារទស្សនាទាន ដើម្បីសម្រេចបានកិច្ចគាំពារសង្គមនៅក្នុងផែនការជាតិរួមចំណែកឆ្លើយតបនឹងការប្រែប្រួលអាកាសធាតុនៅកម្ពុជា-ដំណាក់កាលទី៣ (NDC 3.0) ក្រោមអធិបតីបើកដោយឯកឧត្តមបណ្ឌិត អុល រ៉ូ រដ្ឋលេខាធិការ និងអធិបតីបិទដោយឯកឧត្តម សុខ ប៊ុនថា រដ្ឋលេខាធិការ នៅសណ្ឋាគារ Sun & Moon Riverside ដែលមានអ្នកចូលរួមពីក្រសួង ស្ថាប័នពាក់ព័ន្ធ ដៃគូអភិវឌ្ឍន៍ អង្គការសង្គមស៊ីវិល សាកលវិទ្យាល័យ និងអ្នកស្រាវជ្រាវ សរុបប្រមាណ ៨០នាក់។
សិក្ខាសាលារៀបចំឡើងក្នុងគោលបំណង៖
-ប្រមូលនូវគំនិតយោបល់ក្នុងការរៀបចំឯកសារទស្សនាទានប្រកបដោយប្រសិទ្ធភាព និងបរិយាបន្ន
-កំណត់យកអាទិភាពនៃវិធានការគន្លឹះ និងភាគីពាក់ព័ន្ធដែលត្រូវសហការ ដើម្បីរៀបចំគម្រោងកៀរគរមូលនិធិសម្រាប់អនុវត្តកម្មវិធីកិច្ចគាំពារសង្គម ជាពិសេស សម្រាប់គាំទ្រជនរងគ្រោះនិងងាយរងគ្រោះពីផលប៉ះពាល់នៃការប្រែប្រួលអាកាសធាតុដូចមានចែងក្នុងផែនការជាតិរួមចំណែកឆ្លើយតបនឹងការប្រែប្រួលអាកាសធាតុនៅកម្ពុជា-ដំណាក់កាលទី៣ (NDC 3.0.)