វិទ្យាស្ថាជាតិសង្គមកិច្ច៖ ព្រឹកថ្ងៃអង្គារ ២រោច ខែផល្គុន ឆ្នាំថោះ បញ្ចស័ក ព.ស ២៥៦៧ ត្រូវនឹងថ្ងៃទី២៦ ខែមីនា ឆ្នាំ២០២៤ ឯកឧត្តម តាំង ជុងលី រដ្ឋលេខាធិការក្រសួងសង្គមកិច្ច អតីតយុទ្ធជន និងយុវនីតសម្បទា តំណាងដ៏ខ្ពង់ខ្ពស់ឯកឧត្តមរដ្ឋមន្ត្រី បានចូលរួមកិច្ចប្រជុំប្រកាសសមាសភាពគ្រូបង្គោលថ្នាក់ជាតិសម្រាប់បណ្តុះបណ្តាលកម្លាំងសេវាសង្គមនៅកម្ពុជា។ សមាសភាពគ្រូបង្គោលថ្នាក់ជាតិនេះមានចំនួន៧៨នាក់ មកពីក្រសួង ស្ថាប័ន និងអង្គការដៃគូពាក់ព័ន្ធ នឹងត្រូវបំពេញតួនាទីបណ្តុះបណ្តាលពង្រឹងសមត្ថភាពមន្ត្រីគ្រប់លំដាប់ថ្នាក់ និងបង្កើនកម្លាំងសវាសង្គម សម្រាប់ពង្រាយនៅថ្នាក់ជាតិ និងថ្នាក់ក្រោមជាតិដែលជាមូលដ្ឋានក្នុងការអនុវត្តទៅរកភាពល្អប្រសើរ នៃសុខុមាលភាព និងកម្រិតជីវភាពរស់នៅរបស់ប្រជាពលរដ្ឋ។ ឆ្លៀតក្នុងឨកាសនោះដែរ ឯកឧត្តមបានពាំនាំនូវការផ្តាំផ្ញើសាកសួរសុខទុក្ខពីសំណាក់ ឯកឧត្តម រដ្ឋមន្ត្រី ជូនចំពោះ លោកគ្រូ អ្នកគ្រូ ជាគ្រូបង្គោលថ្នាក់ជាតិទាំងអស់ ដែលចូលរួមជាមួយក្រសួងសង្គមកិច្ច អតីតយុទ្ធជន និងយុវនីតិសម្បទា ក្នុងការលេីកកម្ពស់សុខុមាលភាព និងកិច្ចការពារជនរងគ្រោះ និងងាយរងគ្រោះ សំដៅឱ្យពួកគេទទួលបានឧត្តមប្រយោជន៍ពេញលេញ។