ទីស្ដីការក្រសួង ៖ នាព្រឹកថ្ងៃព្រហស្បតិ៍ ទី២៧ ខែមិថុនា ឆ្នាំ២០២៤ ឯកឧត្តម អេង ចំរើន រដ្ឋលេខាធិការ ក្រសួងសង្គមកិច្ច អតីតយុទ្ធជន និងយុវនីតិសម្បទា បានអញ្ជើញជាអធិបតីបើកកិច្ចប្រជុំជាមួយថ្នាក់ដឹកនាំទទួលបន្ទុកលើការងារអភិវឌ្ឍន៍សមាគមមនុស្សចាស់។
កិច្ចប្រជុំនេះធ្វើឡើងក្នុងគោលបំណង៖
១. ដើម្បីសម្តែងនូវបដិសណ្ឋារកិច្ចក្នុងបរិយាកាសភាតរភាពរវាងថ្នាក់ដឹកនាំ និងថ្នាក់ដឹកនាំ ដើម្បីបង្កើតការងារភាវូនីយកម្ម។
២. បន្តយុទ្ធសាស្ត្រចាស់ដែលមានប្រសិទ្ធភាព បន្ថែមយុទ្ធសាស្ត្រថ្មី និងយន្តការនិរន្តរភាពសមាគមនុស្សចាស់។
៣. ពិនិត្យពិភាក្សាក្នុងការបង្កើតមូលនិធិមនុស្សចាស់ ដើម្បីជួយទ្រទ្រង់ដល់សមាគមមនុស្សចាស់។
