ភ្នំពេញ÷ ថ្ងៃទី៣ ខែវិច្ឆិកា ឆ្នាំ២០២៣ ឯកឧត្តម ស៊ូនី វង្សវិសិដ្ឋ រដ្ឋលេខាធិការ និងជាប្រធានក្រុមប្រឹក្សាភិបាលមូលនិធិជាតិជំនួយសង្គម បានដឹកនាំអង្គប្រជុំថ្នាក់ដឹកនាំនៃមូលនិធិជាតិជំនួយសង្គមដើម្បីពិនិត្យវឌ្ឍនភាពការងារកម្មវិធីជាតិជំនួយសង្គម លើរបៀបវារៈចំនួន៣គឺ៖ ១. ត្រៀមរៀបចំការអនុវត្តកម្មវិធីជាតិជំនួយសង្គមក្នុងកញ្ចប់គ្រួសារ ២. ត្រៀមរៀបចំការអនុវត្តកម្មវិធីជាតិជំនួយសង្គមផ្នែកបណ្តុះបណ្តាលជំនាញវិជ្ជាជីវៈ និង បច្ចេកទេសសម្រាប់យុវជនមកពីគ្រួសារក្រីក្រ និងគ្រួសារងាយរងហានិភ័យ ៣. ការត្រៀមរៀបចំពិធីដាក់ឲ្យដំណើរការក្របខណ្ឌនៃកម្មវិធីជាតិជំនួយសង្គមក្នុងកញ្ចប់គ្រួសារ នៅសាលប្រជុំ នៃទីស្តីការ ក្រសួងសង្គមកិច្ច អតីតយុទ្ធជន និងយុវនីតិសម្បទា។

រាជរដ្ឋាភិបាលនឹងដាក់ឲ្យដំណើរការកម្មវិធីជាតិជំនួយសង្គមក្នុងកញ្ចប់គ្រួសារ នៅថ្ងៃទី០៥ ខែធ្នូ ឆ្នាំ២០២៣ ខាងមុខនេះ ក្រោមអធិបតីភាពដ៏ខ្ពង់ខ្ពស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា៕