ទីស្ដីការក្រសួងសង្គមកិច្ច អតីតយុទ្ធជន និងយុវនីតិសម្បទា៖ នារសៀលថ្ងៃពុធ ត្រូវនឹងថ្ងៃទី៣០ ខែតុលា ឆ្នាំ២០២៤ ឯកឧត្ដម ញ៉ឹក វណ្ណារ៉ា រដ្ឋលេខាធិការក្រសួងសង្គមកិច្ច អតីតយុទ្ធជន និងយុវនីតិសម្បទាបានអញ្ជើញចូលរួមដឹកនាំដើម្បីពិនិត្យ និងវាយតម្លៃលទ្ធផលការងារ បញ្ហាប្រឈម និងលើកផែនការបន្ត។ក្នុងគោលបំណងពិភាក្សាស្វែងរកដំណោះស្រាយរួមគ្នា ក្នុងការពង្រឹងកិច្ចសហការ ក្នុងការអនុវត្តការងារផ្ដល់សេវាដល់ជនរងគ្រោះដោយអំពើជួញដូរមនុស្ស អោយកាន់តែមានប្រសិទ្ធភាព។ ក្រោមការដឹកនាំកិច្ចប្រជុំដោយ ឯកឧត្ដម ញ៉ឹក វណ្ណារ៉ា (រដ្ឋលេខាធិការក្រសួងសង្គមកិច្ច អតីតយុទ្ធជន និងយុវនីតិសម្បទា) និងមានការអញ្ជើញចូលរួមផងដែរពីសំណាក់ ឯកឧត្ដម លោកជំទាវ និង មន្រ្តីពាក់ព័ន្ធផ្សេងទៀតសរុបចំនួន ៤៩រូប {ស្រី២៦រូប}។
