ទីស្ដីការក្រសួង ៖ ឯកឧត្តម ប្រាក់ សុខយូរ រដ្ឋលេខាធិការប្រចាំការ ក្រសួងសង្គមកិច្ច អតីតយុទ្ធជន និងយុវនីតិសម្បទា និងជាប្រធានក្រុមប្រឹក្សាភិបាលនៃមូលនិធិជនពិការ តំណាងដ៏ខ្ពង់ខ្ពស់ឯកឧត្តម ជា សុមេធី រដ្ឋមន្ត្រីក្រសួងសង្គមកិច្ច អតីតយុទ្ធជន និងយុវនីតិសម្បទា បានអញ្ជើញជាអធិបតី ក្នុងពិធីបិទសន្និបាតបូកសរុបលទ្ធផលការងារឆ្នាំ២០២៥ និងទិសដៅអនុវត្តការងារបន្ដ របស់មូលនិធិជនពិការ ដែលរៀបចំឡើងនៅទីស្ដីការក្រសួងសង្គមកិច្ច អតីតយុទ្ធជន និងយុវនីតិសម្បទា នាព្រឹកថ្ងៃទី៣១ ខែមីនា ឆ្នាំ២០២៦។
នៅក្នុងពិធីនេះដែរឯកឧត្តមរដ្ឋលេខាធិការប្រចាំការ ក៏បានផ្ដល់កិត្តិយសក្នុងការបំពាក់នូវគ្រឿងឥស្សរិយស និងផ្ដល់ជាប័ណ្ណសរសើរដល់អង្គការដៃគូ និងមន្រ្តីមូលនិធិជនពិការ ដែលមានស្នាដៃក្នុងការអនុវត្តការងារកន្លងមក។
