នារសៀលថ្ងៃទី៣១ ខែឧសភា ឆ្នាំ២០២៤ ឯកឧត្តម សរ បូរីរក្ស នាយកខុទ្ទកាល័យ តំណាងដ៏ខ្ពង់ខ្ពស់ ឯកឧត្តម ជា សុមេធី រដ្ឋមន្រ្តីក្រសួងសង្គមកិច្ច អតីតយុទ្ធជន និងយុវនីតិសម្បទា បានចូលរួមគោរពវិញ្ញាណក្ខន្ធម្តាយបង្កើតរបស់ឯកឧត្តម សៅ សុភៈ អនុរដ្ឋលេខាធិការក្រសួង ស.អ.យ.។
ក្នុងវេលាប្រកបដោយសមានទុក្ខដ៏ក្រៀមក្រំនេះ ក្នុងនាមថ្នាក់ដឹកនាំក្រសួង ស.អ.យ. សូមចូលរួមរំលែកទុក្ខ ជាមួយក្រុមគ្រួសារនៃសព ហើយដោយតេជានុភាពនៃកុសលផលបុណ្យ សូមឧទ្ទិសចំពោះវិញ្ញាណក្ខន្ធ មហាឧបាសិកា គ្រី វណ្ណា សូមបានទៅកាន់សុគតិភពកុំបីឃ្លៀងឃ្លាតឡើយ។
