មណ្ឌលគីរី÷ ថ្ងៃទី០៦ ខែវិច្ឆិកាឆ្នាំ២០២៣ មន្ទីរសង្គមកិច្ច អតីតយុទ្ធជន និងយុវនីតិសម្បទាខេត្តមណ្ឌលគិរី បានរៀបចំពិធីប្រគល់បណ្ណសំគាល់ជនមានពិការភាពចំនួន ៩៤៧បណ្ណ ក្រោមអធិបតីភាព លោកជំទាវ វិន ស៊ីធួន អភិបាលរងខេត្ត តំណាងឯកឧត្តម ថង សាវុន អភិបាលនៃគណៈអភិបាលខេត្ត។
ជនមានពិការភាពក្នុងក្រុងស្រុកទាំង៥ រួមមានក្រុងសែនមនោរម្យ ចំនួន ១៥៨ បណ្ណ ស្រុកកោះញែក ចំនួន ២១២បណ្ណ ស្រុកកែវសីមា ចំនួន ១៩៥បណ្ណ ស្រុកអូររាំង ចំនួន ៦៨បណ្ណ និងស្រុកពេជ្រាដាចំនួន ៣១៣បណ្ណ ដែលបានសម្ភាសន៍ក្នុងកម្មវិធីការកំណត់អត្តសញ្ញាណកម្មជនពិការតាមគំរូសង្គម និងសិទ្ធជាមូលដ្ឋាន។
ក្នុងពិធីនោះដែរលោកជំទាវ បានប្រគល់បណ្ណសំគាល់ពិការភាពជូនជនមានពិការភាពជានិមិត្តរូប ចំនួន ២០នាក់ មកពីសង្កាត់ទាំង៤ នៅក្នុងក្រុងសែនមនោរម្យ ខេត្តមណ្ឌលគិរីផងដែរ៕
