ភ្នំពេញ៖ ថ្ងៃពុធ ទី០៦ ខែធ្នូ ឆ្នាំ២០២៣ ឯកឧត្តម ញ៉ឹក វណ្ណារ៉ា រដ្ឋលេខាធិការ តំណាងដ៏ខ្ពង់ខ្ពស់ឯកឧត្តម ជា សុមេធី រដ្ឋមន្រ្តីក្រសួងសង្គមកិច្ច អតីតយុទ្ធជន និងយុវនីតិសម្បទា អញ្ជើញចូលរួមថ្លែងសុន្ទរកថាបិទកម្មវិធីស្តីពីការពង្រឹងការការពារ និងការផ្តល់សេវាដល់ជនរងគ្រោះ ដោយអំពើជួញដូរ ដោយមានការចូលរួមពីឯកឧត្តម លោកជំទាវ តំណាងក្រសួងស្ថាប័នពាក់ព័ន្ធ នៅសណ្ឋាគារ Sun & Moon Riverside Hotel។
អង្គការអន្តរជាតិទេសន្តរប្រវេសន៍ (IOM) បានធ្វើការជាមួយរាជរដ្ឋាភិបាលកម្ពុជា អង្គការមិនមែនរដ្ឋាភិបាលនៅថ្នាក់មូលដ្ឋាន និងដៃគូអន្តរជាតិផ្សេងទៀត ដើម្បីបង្កើនកិច្ចការពារជនទេសន្តរប្រវេសន៍ ដែលងាយរងគ្រោះ។
ចាប់តាំងពីឆ្នាំ២០១១ អង្គការ IOM និងដៃគូបានរួមចំណែកក្នុងការបង្កើតក្របខ័ណ្ឌច្បាប់ ស្ថាប័ន និងកម្មវិធីមួយចំនួនក្នុងគោលបំណងដោះស្រាយបញ្ហាទាក់ទងនឹងអំពើជួញដូរមនុស្ស។ បច្ចុប្បន្ន អង្គការ IOM បានកំពុងអនុវត្តគម្រោងរយៈពេល ៤ឆ្នាំ (២០២២-២០២៦) លើ «ការពង្រឹងការ ការពារ និងសេវាកម្មដល់ជនរងគ្រោះ» ដើម្បីផ្តល់ការគាំទ្រ និងការការពារដល់ជនទេសន្តរប្រវេសន៍ដែលងាយរង គ្រោះនៅកម្ពុជាដោយផ្ទាល់និងប្រយោល។ គម្រោងនេះត្រូវបានអនុវត្តក្រោម កិច្ចសហការជាមួយស្ថាប័នពាក់ព័ន្ធ របស់រាជរដ្ឋាភិបាល និងអង្គការសង្គមស៊ីវិល លើសកម្មភាពមួយចំនួនរួមមាន៖ វគ្គបណ្តុះបណ្តាលពង្រឹងសមត្ថភាព យន្តការបញ្ជូនថ្នាក់ជាតិ ការផ្តល់ការគាំទ្រ និងសេវាសមាហរណកម្មដល់ជនទេសន្តរប្រវេសន៍ដែលងាយរងគ្រោះ និងការស្រាវជ្រាវលើនិន្នាការ និងផលប៉ះពាល់នៃជំងឺកូវីដ-១៩ លើការការពារ និងការគាំទ្រសម្រាប់ជនទេសន្តរ ប្រវេសន៍ដែលងាយរងគ្រោះនៅកម្ពុជា។
គម្រោងនេះនឹងរួមចំណែកយ៉ាងសំខាន់ដល់កិច្ចខិតខំប្រឹងប្រែងរបស់រាជ រដ្ឋាភិបាលកម្ពុជា ក្នុងការងារប្រយុទ្ធប្រឆាំងអំពើជួញដូរមនុស្ស តាមរយៈការពង្រឹងការការពារ និងការផ្តល់សេវាដល់ ជនរងគ្រោះដោយអំពើជួញដូរមនុស្សគ្រប់ទម្រង់។ គម្រោងនេះអាចសម្រេចបានតាមរយៈការពង្រឹងការកំណត់អត្ត សញ្ញាណជនរងគ្រោះ ការផ្តល់សេវាផ្អែកតាមតម្រូវការ និងសេវាសមាហរណកម្ម នៅខេត្តជាប់ព្រំដែនប្រទេសកម្ពុជា-ថៃរួមមាន៖ ខេត្តបន្ទាយមានជ័យ ខេត្តបាត់ដំបង ខេត្តឧត្តរមានជ័យ ខេត្តកោះកុង និងតំបន់ផ្សេងទៀត ដូចជារាជធានីភ្នំពេញ ដែលរងផលប៉ះពាល់ពីនិន្នាការកើនឡើងនៃឧក្រិដ្ឋកម្មដោយបង្ខំ។
ជាក់ស្តែង គម្រោងនេះចាប់ ផ្តើមដោយផ្តោតតែលើខេត្តដែលមានចំនួនជនទេសន្តរប្រវេសន៍វិលត្រឡប់ច្រើនតែប៉ុណ្ណោះ ប៉ុន្តែដោយសារមាន តម្រូវការច្រើនលើសេវាការពារនៅទូទាំងប្រទេសកម្ពុជា គម្រោងនេះបានពង្រីកបន្ថែមនៅរាជធានីភ្នំពេញ ខេត្តកោះកុង ខេត្តកណ្តាល ខេត្តព្រះសីហនុ និងខេត្តផ្សេងៗទៀតដែលរងឥទ្ធិពលពីឧក្រិដ្ឋិកម្មដោយបង្ខំ និងទម្រង់នៃឯកសារទស្សនៈទាន ការចាប់ផ្តើមដំណើរការគម្រោង «ការពង្រឹងការការពារ និងសេវាកម្មដល់ជនរងគ្រោះ» គោលបំណងទី២៖ ដើម្បីពង្រឹង និងពង្រីកកិច្ចសហប្រតិបត្តិការរវាងភាគីពាក់ព័ន្ធក្នុងការប្រយុទ្ធប្រឆាំង អំពើជួញដូរ ដើម្បីផ្តល់ការគាំទ្រយ៉ាងពេញលេញដល់ជនទេសន្តរប្រវេសន៍ដែលងាយរងគ្រោះ និងជនរងគ្រោះ ដោយអំពើជួញដូរ គោលបំណងទី ៣៖ ដើម្បីធ្វើបទបង្ហាញពីសមិទ្ធផលបឋមដែលគម្រោងសម្រេចបាន លទ្ធផលរំពឹងទុក៖ បង្កើនការយល់ដឹងអំពីសកម្មភាព និងវិសាលភាពរបស់គម្រោងដល់ភាគីពាក់ព័ន្ធ បង្កើនកិច្ចសហប្រតិបត្តិការ និងការសម្របសម្រួលដល់ភាគីពាក់ព័ន្ធក្នុងការប្រយុទ្ធប្រឆាំងអំពើជួញដូរ មនុស្សដែលបង្កើតអោយមានភាពប្រសើរឡើងនៃការផ្តល់ជំនួយ និងសមាហរណកម្មសម្រាប់ជនទេសន្តរ ប្រវេសន៍ដែលងាយរងគ្រោះ និងជនរងគ្រោះដោយអំពើជួញដូរនៅកម្ពុជា៕
