កំពង់ឆ្នាំង÷ កាលពីថ្ងៃទី០៦ ខែធ្នូ ឆ្នាំ២០២៣ មន្ទីរសង្គមកិច្ច អតីតយុទ្ធជន និងយុវនីតិសម្បទាខេត្តកំពង់ឆ្នាំង សហការជាមួយ លោកស្រី មាន សុចិន្តា បុគ្គលិកសង្គម អង្គការសម្ព័ន្ធមេត្រីភាពពន្ធនាគារ បានសួរសុខទុក្ខ និងនាំយកអំណោយ ឧបត្ថម្ភដល់គ្រួសារកុមារ ដែលមានឪពុកម្ដាយ អាណាព្យាបាល ជាប់ពន្ធនាគារ ចំនួន ១៨គ្រួសារ និងកុមារចំនួន ៣១នាក់ មកពីក្រុងកំពង់ឆ្នាំង និងស្រុករលាប្អៀរ ដែលក្នុងមួយគ្រួសារៗទទួលបានអង្ករ ២០គីឡូ នឹងអាហារសម្រន់ម្នាក់ ១កញ្ចប់ផងដែរ។

ដោយឡែក ២គ្រួសារដែលមានឪពុកនិងម្ដាយជាប់ពន្ធនាគារទាំង ២នាក់ អង្គការបានជួយឧបត្ថម្ភថវិកាបន្ថែមក្នុងមួយគ្រួសារចំនួន ១០ម៉ឺនរៀលបន្ថែមទៀត៕