កំពង់ធំ÷ ព្រឹកថ្ងៃទី០៨ ខែវិច្ឆិកា ឆ្នាំ២០២៣ ឯកឧត្តម អេង ជា សាន អនុរដ្ឋលេខាធិការ តំណាងឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ អមដំណើរដោយឯកឧត្តម ព្រឹម រដ្ឋា អភិបាលរងខេត្តកំពង់ធំ និងលោក ជា សា រ៉ន ប្រធានមន្ទីរសង្គមកិច្ច អតីតយុទ្ធជន និងយុវនីតិសម្បទាខេត្តកំពង់ធំ បានអញ្ជើញចុះសួរសុខទុក្ខ និងផ្ដល់ពូជស្រូវស្ដារឡើងវិញ ពីការជន់លិចស្រូវរដូវវស្សាកន្លងទៅ ដល់បងប្អូនប្រជាកសិករចំនួន ៥៤១គ្រួសារ មកពីឃុំចំនួន៤ នៅក្នុងស្រុកស្ទោង ខេត្តកំពង់ធំ៕
