ភ្នំពេញ៖ ថ្ងៃសុក្រ ៨ កើត ខែបុស្ស ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី១៩  ខែមករា ឆ្នាំ២០២៤  វេលាម៉ោង ៩:៣០ នាទីព្រឹក ឯកឧត្តមស៊ូនី វង្សវិសិដ្ឋ រដ្ឋលេខាធិការនៃក្រសួងសង្គមកិច្ច អតីតយុទ្ធជន និងយុវនីតិសម្បទា និងជាប្រធានក្រុមប្រឹក្សាភិបាលនៃមូលនិធិជាតិជំនួយសង្គម បានអញ្ជើញដឹកនាំកិច្ចប្រជុំជាមួយតំណាងUNDP ដែលបានប្រព្រឹត្តិទៅនៅសាលប្រជុំ នៃមូលនិធិជាតិជំនួយសង្គម។

នៅក្នុងកិច្ចប្រជុំនេះបានពិនិត្យ និងពិភាក្សាលើរបៀបវារៈសំខាន់ៗចំនួន៣ គឺ៖
១. បទបង្ហាញខ្លី ពីUNDP អំពីកម្មវិធី ដែលបាននឹងកំពុងគាំទ្រមកក្រសួងសង្គមកិច្ច អតីតយុជន និងយុវនីតិសម្បទា
២.ពិភាក្សាលើការងារអាទិភាពថ្មីៗមួយចំនួនរបស់ក្រសួងសង្គមកិច្ច អតីតយុជន និងយុវនីតិសម្បទា និង មូលនិធិជាតិជំនួយសង្គម ដែលក្នុងនោះមាន សិក្សាលទ្ធភាពជំនួយបច្ចេកទេសបង្កើតមជ្ឈមណ្ឌលជាតិស្តារលទ្ធភាពពលកម្មកាយសម្បទាគម្រូ និង កម្មវិធីជាតិបរិយាប័ន្នសង្គម ជំនួយបច្ចេកទេសបរិវត្តន៍កម្មឌីជីថលដើម្បីលើកកម្ពស់ការផ្តល់សេវាសង្គមកិច្ច ស្តារសម្បទា និង ជំនួយសង្គម និងគាំទ្របច្ចេកទេស និងអភិវឌ្ឍសមត្ថភាពលើការងារទំនាក់ទំនង ផ្សព្វផ្សាយ(មេឌៀរបស់ក្រសួង) និង
៣. ការសហការរៀបចំស្វែងរកមូលនិធិ (ជាមូលនិធិចម្រុះ) សម្រាប់គាំទ្រដល់ការអភិវឌ្ឍវិស័យសង្គមកិច្ច។