ភ្នំពេញ៖ នាព្រឹកថ្ងៃទី២៥ ខែមករា ឆ្នាំ២០២៤ លោកជំទាវ ខៀវ បូរី រដ្ឋលេខាធិការ ក្រសួងសង្គមកិច្ច អតីតយុទ្ធជន និងយុវនីតិសម្បទា និងជាប្រធានក្រុមការងារបច្ចេកទេសរៀបចំសេចក្ដីព្រាងច្បាប់ស្ដីពីកិច្ចការពារកុមារ បានអញ្ជើញដឹកនាំកិច្ចប្រជុំលេខាធិការដ្ឋានដើម្បីសម្របសម្រួលការងាររៀបចំសេចក្ដីព្រាងច្បាប់ស្ដីពីកិច្ចការពារកុមារនៅព្រះរាជាណាចក្រកម្ពុជា។
កិច្ចប្រជុំនេះរៀបចំឡើងក្នុងគោលបំណង៖
១. ប្រកាសពីសមាសភាពថ្នាក់ដឹកនាំ និងសមាជិករបស់លេខាធិការដ្ឋាន និងការបែងចែកភារកិច្ច និងរបៀបរបបការងាររបស់លេខាធិការដ្ឋាន
២. ពិនិត្យវឌ្ឍនភាពការងារពាក់ព័ន្ធនឹងការពិនិត្យវាក្យស័ព្ទច្បាប់ និងការកែអក្ខរាវិរុទ្ធនៃសេចក្ដីព្រាងច្បាប់ស្ដីពីកិច្ចការពារកុមារនៅព្រះរាជាណាចក្រកម្ពុជា។
