ទីស្តីការក្រសួង៖ នៅថ្ងៃពុធ ទី៧ ខែកុម្ភៈ ឆ្នាំ២០២៤ ឯកឧត្តម សុខ ប៊ុនថា រដ្ឋលេខាធិការ ក្រសួងសង្គមកិច្ច អតីតយុទ្ធជន និងយុវនីតិសម្បទា បានដឹកនាំកិច្ចប្រជុំប្រមូលធាតុចូល និងរបាយការណ៍សម្រេចចុងក្រោយ ដើម្បីត្រៀមចូលរួមសម័យប្រជុំលើកទី៥៥ របស់ក្រុមប្រឹក្សាសិទ្ធិមនុស្សអង្គការសហប្រជាជាតិ នៅទីក្រុងហ្សឺណែវ ពាក់ព័ន្ធនឹងវិស័យសង្គមកិច្ច ដោយមានការអញ្ជើញចូលរួមពី ឯកឧត្តម តំណាងអគ្គលេខាធិការក្រុមប្រឹក្សាសកម្មភាពជនពិការ ឯកឧត្តម តំណាងក្រុមប្រឹក្សាជាតិកម្ពុជាដើម្បីកុមារ តំណាងមូលនិធិជាតិជំនួយសង្គម តំណាងមូលនិធិជនពិការ តំណាងអគ្គនាយកគោលនយោបាយសង្គមកិច្ច តំណាងអគ្គនាយកសេវាសង្គមកិច្ច តំណាងអគ្គនាយកស្តារសម្បទា អគ្គនាយករង ប្រធានផ្នែកសិទ្ធិជនពិការ ប្រធាននាយកដ្ឋានសុខុមាលភាពជនពិការ ប្រធាននាយកដ្ឋានកិច្ចការពារកុមារ តំណាងនាយកដ្ឋានគាំពារជនរងគ្រោះ និងមន្ត្រីជំនាញបច្ចេកទេស។របាយការណ៍ធាតុចូលសម្រេចចុងក្រោយនេះ និងផ្តល់ជូនទៅក្រសួងការបរទេស និងសហប្រតិបត្តិការអន្តរជាតិ ដើម្បីឱ្យស្ថានបេសកកម្មកម្ពុជា នៅទីក្រុងហ្សឺណែវ មានលទ្ធភាពសម្រាប់ ប្រើប្រាស់ក្នុងកិច្ចពិភាក្សាឱ្យបានគ្រប់ជ្រុងជ្រោយ និងលើកកិត្តិយសរាជរដ្ឋាភិបាលកម្ពុជាក្នុងកិច្ចប្រឹងប្រែងការពារ និងលើកកម្ពស់សិទ្ធិមនុស្ស ក៏ដូចជាការត្រៀមការឆ្លើយតបនឹងការចោទប្រកាន់មកលើកម្ពុជាជាយថាហេតុ។