វិទ្យាស្ថានជាតិសង្គមកិច្ច ៖ នៅថ្ងៃសៅរ៍ ១៣ រោច ខែផល្គុន ឆ្នាំថោះ បញ្ចស័ក ព.ស. ២៥៦៧ ត្រូវនឹងថ្ងៃទី៦ ខែមេសា ឆ្នាំ២០២៤ បានរៀបចំកម្មវិធីសង្ក្រាន្ត និងសូត្រមន្តសុំសិរីសួស្តី ក្រោមអធិបតីភាពឯកឧត្តម តាំង ជុងលី រដ្ឋលេខាធិការក្រសួងសង្គមកិច្ច អតីតយុទ្ធជន និងយុវនីតិសម្បទា និងលោកជំទាវ។
ឯកឧត្តម បានពាំនាំការផ្ដាំផ្ញើសាកសួរសុខទុក្ខពីសំណាក់ ឯកឧត្តម ជា សុមេធី រដ្ឋមន្ត្រីក្រសួង ក្រសួងសង្គមកិច្ច អតីតយុទ្ធជន និងយុវនីតិសម្បទា នូវសព្វសាធុការពរជ័យជូនចំពោះ លោកគ្រូ អ្នកគ្រូ និងប្អូនៗនិស្សិតនៃវិទ្យាស្ថានជាតិសង្គមកិច្ច។
ឯកឧត្តមបានបន្តថា ចូរប្អូនៗថែរក្សាសន្តិភាព សម្បត្តិវប្បធម៌ សាមគ្គីភាពជាតិ ឯកភាពជាតិខ្មែរឱ្យបាន និងឆ្នាំក្រោយយើងធ្វើឱ្យធំ និងបានសប្បាយបន្តទៀត។ ឯកឧត្តមបានសរសើរដល់ការរៀបចំកម្មវិធីបានល្អ និងការរៀបចំម្ហូបអាហាររបស់ប្អូនៗនិស្សិតមានឱជារសឈ្ងុយឆ្ងាញ់។
កម្មវិធីនេះបានការអញ្ជើញចូលរួមពី ឯកឧត្តម តាំង ជុងលី និងលោកជំទាវ ឯកឧត្តមទីប្រឹក្សា ឯកឧត្តម លោក លោកស្រីនាយករង នាយិការង ប្រធានការិយាល័យ ប្រធានដេប៉ាតឺម៉ង់ និងលោកគ្រូ អ្នកគ្រូ មន្រ្តី និងនិស្សិតវិទ្យាស្ថានជាតិសង្គមកិច្ចទាំងអស់បានចូលរួមសង្ក្រាន្តឆ្នាំថ្មីក្រោមម្លប់សន្តិភាព។
